ZAKHARIA 8:19 - KITTA' MATANGKASA'

¹⁹ “Puasa nigaukang lalang bulang makaappa', makalima, makatuju, siagang makasampulo la'jari passua'-suarrang appakarannua siagang appakasannanga mae ri pandudu'na Yehuda. Mangngaiko ri katojengang siagang passiamakkang!”

ZAKHARIA 8:19 Referans Kwoze

YEREMIA 39:2

Ri tanggala' salapang bulang appa' taung makasampulo asse're pamarentahanna Zedekia, niruntummi tembo' kotaya ri musu,

ZAKHARIA 8:16

Iaminne parenta-parenta mustia nugaukang: Punna a'bicarako mae ri parannu tau, a'bicarako sitojennaya. Angngalleko kaputusang adele' ri pangadelanga siagang angngeranga passiamakkang.

ZAKHARIA 7:5

Nakana, “Pabattuangi mae ri sikontu pandudu'na anne pa'rasanganga siagang mae ri sikamma imanga, angkanaya anjo puasaya siagang karru' nagaukanga ke'nanga ri bulang makalimaya siagang makatujua lalanna anne tujupulo taunga teai pappakalompo untu' mae ri Nakke.

ZAKHARIA 7:3

Nisuro tommi ke'nanga akkuta'nang mae ri sikamma imanga siagang sikamma na'bia kamma anne, “Maka paralluiji ikambe angkarruki kaancuranna Balla'Na Batara iamintu appuasa ri tunggala' bulang makalima sangkamma le'baka nagaukang ikambe attaung-taung sallona allaloa?”

YEREMIA 52:4

lanri kammana anjo battumi Karaeng Nebukadnezar siagang sikontu tantarana nampa nabunduki Yerusalem ri tanggala' sampulo bulang sampulo ri taung makasalapang pamarentahanna Zedekia. Ambangungi ke'nanga pattahangngang ri pantaranna kotaya, ambangungi tembo' pakkurung,

2 KARAENG-KARAENG 25:25

Mingka ri bulang 7 anjo taunga, Ismael ana'na Netanya cucunna Elisama, sisambung bijaya ija siagang karaenga, a'lampai siagang 10 tau mange ri Mizpa. Nabakkai siagang nabunoi ke'nanga anjo Gedalya siagang tu Yehuda na tu Babel niaka naagang.

PAMMUJI 30:11

Kipilangngeria', o, Batara, siagang Kikamaseang laloa'. O, Batara, Kitulung laloa'!”

YESAYA 35:10

Sikamma tau Nipakabebasaka ri Batara lammotereki; antamaki ke'nanga ri Yerusalem akkio' rannu, corai rupanna ke'nanga lanri karannuang mannannunganga. Larannui siagang lama'reja-rejai ke'nanga; lanynya'mi susaya siagang kunrarenga.

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

ESTER 9:22

Nasaba' ri wattu iaminjo alloa nanabeta musu-musunna ke'nanga, sa'genna anjo si'nana siagang paccena ke'nanga amminrami a'jari karannuang siagang kasungguang. Lanri kammanami anjo namusti napakalompo ke'nanga anjo allo-alloa, iamintu assua'-suara', appare' parjamuang, kammayatompa massing sisarei ke'nanga kanre-kanreang siagang assarei ke'nanga passidakka ri tu kasi-asia.

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

YESAYA 51:11

Nalammotere'mo sikamma tau Nalappassanga Batara akkio' rannui ke'nanga antama' ri Yerusalem corai rupanna ke'nanga lanri karannuang mannannungang. Rannui siagang ma'reja-rejai ke'nanga, lanynya'mi susaya siagang kunrarenga.

ESTER 8:17

Kammayatompa ri sikamma kotaya siagang propinsia, kemae-kemae nibaca anjo sura' parentana karaenga, rannu ngasemmi tu Yahudia, assannang-sannang siagang assua'-suara'mi ke'nanga. Ba'lalo jaimi battu ri panduduka antama' a'jari bansa Yahudi, lanri malla'na ke'nanga ri anjo bansaya.

YEREMIA 36:6

Lanri kammana anjo, punna narapi' sallang allonna appuasa taua, musti a'lampako mange anjoreng, nampa nubaca nulompoi sa'rannu sikontu anjo kusuro tulisika mae ri kau, sollanna nalangngere' ngaseng ke'nanga apa Napaua Batara mae ri nakke. Gaukangi anjo kammaya ri tampa' akkullea nalangngere' ngasengko tau niaka lalang ri Balla'Na Batara, kammayatompa tu Yehuda battua ri kota-kotana ke'nanga.

ZAKHARIA 8:3

LammoterekKa' mange ri Yerusalem, anjo kota matangkasakKu, nampa ammantang anjoreng. Laniassengi Yerusalem salaku kota tamamminraya, siagang bontoNa Batara Kaminang Koasaya lanigallaraki Bonto Matangkasa'.

ZAKHARIA 8:18

Napassareangi Batara Kaminang Koasaya anne pasanga mae ri nakke untu' umma'Na, angkana,

2 KARAENG-KARAENG 25:1

Nampa angngewa Zedekia mae ri Nebukadnezar karaeng Babel. Lanri kammana anjo battumi Nebukadnezar siagang sikontu tantarana nampa nabunduki Yerusalem ri tanggala' 10 bulang 10 ri taung makasalapang ammarentana Zedekia. Appaentengi ke'nanga pa'ballakang ri pantaranganna kotaya, siagang ambangungi tembo' pakkurung,

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

YEHEZKIEL 18:8

Tale'bakai assare angnginrang nampa nasuro bungai. Taerokai anggaukangi kaja'dallanga siagang punna nia' pa'beserang tuli natangngai siagang adele'.

YEHEZKIEL 24:1

Ri tanggala' sampulo, bulang sampulo, lalang taung makasalapang ri wattu nipela'na ikambe, Nakana Batara ri nakke,