ZAKHARIA 6:7 - KITTA' MATANGKASA'

⁷ Ri wattunna assulu' anjo jarang baloa, tenamo nasa'bara' ke'nanga napakamma ero' a'lampa untu' amparessai linoa. Nakana anjo malaekaka, “A'lampamako untu' amparessai linoa!” Nampa a'lampamo ke'nanga.

ZAKHARIA 6:7 Referans Kwoze

ZAKHARIA 1:10

Nisuroi battu ke'nanga ri Batara untu' amparessai linoa.”

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

DANIEL 7:24

Anjo sampuloa tanru' iamintu sampuloa karaeng lammarentaya ri anjo kakaraenganga. Nampa nia' sitau karaeng maraeng lammumba; tena nasangkamma siagang karaeng-karaeng rioloangannaya, siagang lanabetai tallua karaeng.

DANIEL 7:19

Nampa erokka' angngassengi battuanna anjo olo'-olo' makaappaka, tenaya nasangkamma maraenga; appakamalla'-mallaki tanja'na siagang naancuruki nanaa'lu' apa-apa nakanrea siagang kanuku tambagana kammayatompa gigi bassina, nampa naonjo'-onjokang sesa-sesanna.

PA'JARIANG 13:17

Kamma-kamma anne, jappaimi anne sikontu pa'rasanganga, nasaba' laKupassareangi anne mae ri kau.”

PAMMILANGNGANG 21:4

Nampa nabokoi tu Israel anjo Moncong Hor, nampa angngalle oloang mange ri biring Tamparang Akaba, untu' angnginroi daera Edom. Mingka ri tangngana aganga, kala'busang kasa'barrami ke'nanga,