ZAKHARIA 5:11 - KITTA' MATANGKASA'

¹¹ Appialimi angkana, “Mange ri Babel. Anjorengi ke'nanga lanapa'bangungang balla' panynyombang. Punna le'ba' anjo balla' panynyombanga, lanapadongkoki ke'nanga anjo karanjenga anjoreng untu' nasomba.”

ZAKHARIA 5:11 Referans Kwoze

PA'JARIANG 11:2

Ri wattunna a'lampa bellamo anrai' ke'nanga, battumi ke'nanga ri se'reang parang lappara' ri Babilonia, nampa ammantang ke'nanga anjoreng.

DANIEL 1:2

Nisaremi pangngellai ri Batara untu' ambetai Karaeng Yoyakim, kammayatompa anrampasaki siapa are jaina barang-barang tinggia anggaranna ri Balla'Na Batara. Sikamma tau nitahanga, naerangi mange ri balla' rewatana ri Babel, nampa sikamma barang-barang tinggia anggaranna narampasaka, naboliki lalang ri gudang-gudanna anjo balla' rewataya.

PA'JARIANG 10:10

Uru-uruna antamaya kakaraenganna iamintu Babel, Erekh, siagang Akad, tallu-talluna nia' ngasengi ri Babilonia.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

PA'JARIANG 14:1

Nia' appa' karaeng, iamintu: Amrafel battu ri Babilonia, Ariokh battu ri Elasar, Kedorlaomer battu ri Elam, siagang Tideal battu ri Goyim.

YEREMIA 29:28

Anjo taua musti nitongkoki bawana, nasaba' napaui mae ri sikamma taunta ri Babel angkanaya lasallo iji ke'nanga lammantang anjoreng. Na lanri kammana anjo, nakana, musti ambangungi ke'nanga balla' siagang appareki ke'nanga koko nampa nakasia' wassele'na.”

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

PAOLE 28:59

lappabattui Batara mae ri kau siagang mae ri jari-jarinu sikamma garring tenaya nakkulle niballei kammayatompa garring-garring tenaya nakkulle nipamari.

ZAKHARIA 5:10

Akkuta'namma' mae ri anjo malaekaka angkana, “Lanaerang kemae ke'nanga anjo karanjenga?”