ZAKHARIA 4:7 - KITTA' MATANGKASA'

⁷ Manna pole pa'rompa kammaya moncong lompona la'lili ngaseng battu ri dallekannu. Ikau lambangungi ammotere' BallakKu, siagang ri wattu nupadongko'na batu pundasi bungasaka ri tampa'na, lakkioki taua angkana, ‘Tamaka ga'gana!’ ”

ZAKHARIA 4:7 Referans Kwoze

YEREMIA 51:25

He Babel, ikau rapangko moncong ampanrakiai sikontu linoa. Mingka iNakke, Batara, angngewako. LaKupasintakko siagang Kugulungko nampa Kubalang parekangko nikanre ri pepe' a'jari au.

ZAKHARIA 4:9

Nakana, “Zerubabel le'ba'mi napadongko' batu pundasina BallakKu, siagang ia lampa'le'baki sikontu anjo bangunanga. Punna kajariammo anjo kammaya, lanaassemmi ummakKu angkanaya iNakke assuroi Zakharia battu mae ri ke'nanga.

MIKHA 4:1

Ri allo-allo labattua bonto, tampa' Balla'Na Batara, lammenteng kassaki nai' ri langika la'biangngangi nasikamma monconga siagang bonto-bontoa. Sikontu bansaya a'balulungi mange anjoreng

PAMMUJI 118:22

Batu nipelaka ri tukang-tukang bangunanga, a'jari batu tangnga.

PAMMUJI 114:4

A'lumpa'-lumpaki monconga sanrapang bembe, ammondo'-mondoki bulu'-buluka sanrapang ana' gimbala'.

1 PETRUS 2:7

Anjo batua sanna' lompona anggaranna untu' ikau tau tappaka. Mingka tau tenaya natappa', kammami anne nakanaya Kittaka mae ri ke'nanga, “Anjo batu tenaya napakei tukang-tukang bangunanga, ma'nassa iami batu majarre'.”

LAMPA-LAMPANA 4:11

Iaminjo Isa nisero kanaya lalang ri anne aya' lalang Kittaka, angkanaya, ‘Anjo batu tenaya nupakei ikau tukang-tukanga, kamma-kamma anne iami a'jari batu kaminang parallu.’

YESAYA 41:15

Ciniki, Kupa'jariko rapang papang-papang pallessoro', berua, taranga, siagang rua a'gimbara' giginna. Lanulissaraki sikamma monconga siagang nuancuru'; sikamma buluka nupa'jari rapang awang.

PAMMUJI 114:6

Apa saba'na nanu'lumpa'-lumpa' he moncong-monconga, siagang ammondo'-mondo' he bulu'-buluka?

ROMA 11:6

Napilei Allata'ala ke'nanga lanri pangngamaseanNa bawang, jari teai lanri panggaukanna ke'nanga. Nasaba' punna lanri panggaukang baji'na naNapilei Allata'ala rupataua, teaimi pangngamaseang tojeng-tojeng anjo pangngamaseanNa Allata'ala.

MIKHA 1:4

Assolongi sikamma buluka irawa ri pala' bangkenNa kontui liling lalang pepe' a'rinraya; la'boroki buttana antama ri ka'bung-ka'bunga, rapang je'ne' irate bulu' a'lo'loro' naung.

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

PAPPICINI' 16:20

Lanynya' ngasemmi sikontu pulo-puloa, kammayatompa sikontu buluka lanynya' ngaseng tommi.

EFESUS 2:20

Nibangung tommako irate ri batu le'baka napadongko' sikamma tunisuroNa Allata'ala siagang na'bi-na'biNa; nampa Isa Almasi a'jari sanrapang batu malompona anjo bangunanga.

LUKAS 20:17

Naciniki ngasemmi Isa ke'nanga. Nampa Nakana, “Punna kamma, apa battuanna anne nipaua lalang ri Kittaka, angkanaya, ‘Batu tenaya napakei tukang bangunanga, a'jarimi batu lomoro' se're.’

LUKAS 3:5

Lanitambungi sikamma ka'bunga lanilappari sikamma buluka siagang bontoa Parallui nilambusi oloang a'lekko-lekkoa, na lanilappari oloang akkali'-kali'bonga.

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

YEREMIA 33:11

Mingka anjoreng ri tampaka lania' pole kalangngerang sa'ra karannuang siagang kalompoang pa'mai' kammayatompa sa'ra passua'-suarrang pa'gaukang pa'buntingang. Lania' todong kalangngerang kelong-kelong tau angngerang koro'bang kasukkurang mange ri BallakKu. Lanakana ke'nanga, ‘Appala' sukkurukko mae ri Batara Kaminang Koasaya, lanri Ia bajiki siagang pangngamaseanNa sa'genna satunggu-tungguna.’ Anne pa'rasanganga laKupa'jari kalumanynyangi sangkamma riolo. INakke, Batara, anne akkana.”

MARKUS 12:10

Tantu le'ba'mi nubaca anne aya' niaka ri Kittaka angkanaya, ‘Batu tenaya napakei tukang-tukang batua a'jarimi batu majarre'na bangunanga.

MATIUS 21:21

Appialimi Isa Nakana, “Sitojeng-tojenna, punna tappakko natena nubata-bata, akkulle ngaseng tongko anggaukangi anjo apa le'baka Kugaukang mange ri poko' araya. Ba'lalo teai anjo bawang. Lakkulleko pole angkana ri anne bontoa, ‘Ta'angkakko, nutassambila naung ri tamparanga’; nalakamma tojeng-tojeng anjo kajarianna.

HABAKUK 3:6

Punna ammantangKi', amme'bereki buttaya; punna anjanjangKi', gegereki bansaya napakamma malla'. Moncong-moncong salloa reppe'-reppe' kabusuki; bulu'-bulu' salloa a'jari lappara' todong, anjoremmi anjo ri bulu'-buluka Kioloa a'jappa baku' riolo dudu.

EZRA 3:10

Ri wattunna appakkaramula napadongko' batu pundasina pajamaya anjo bangunang Balla'Na Batara ri Yerusalem, sikamma imanga ammakei juba siagang anna'galaki tarompe' na massing angngalle tampa'. Tu Lewi battua ri golongang Asaf ammenteng tongi anjoreng, massing anna'gala' gong-gong ca'di. Mammuji-mujimi ke'nanga ri Batara situru' paratorang le'baka nipattantu appakkaramula ri jammang Karaeng Daud.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

ZAKHARIA 4:8

Nampa battu pole pasang maraenNa Batara.