ZAKHARIA 3:1 - KITTA' MATANGKASA'

¹ Lalang ri paccini' maraengannaya pole, Napappicinikangi Batara mae ri nakke Imang Malompoa Yosua, sitabanga ammenteng ri dallekanna malaeka'Na Batara. Ri sa'rinna Yosua, niaki Setanga sadia untu' antudui kalenna Yosua.

ZAKHARIA 3:1 Referans Kwoze

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

LUKAS 22:31

Nakanamo Isa mae ri Simon, “O Simon, o Simon, pilangngeri sai! Nikellaimi Billisika anso'ri ngasengko. Sangkamma punna nipasisa'la' asea siagang awanna, kamma tomminjo lanipasisa'laki bajika siagang kodia.

PAMMUJI 109:6

Kiangka'mi se'rea tau ja'dala' untu' angngadeli, boli'mi kamma nitudu ri balinna.

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

HAGAI 1:1

Ri taung makarua pamarentahanna Karaeng Darius ri Persia, ri tanggala' se're bulang makaannang, a'bicarai Batara tete ri Na'bi Hagai. Anjo pasanNa Batara nipatujui mae ri Zerubabel ana'na Sealtiel, guburnur Yehuda, siagang mae ri Imang Lompoa Yosua ana'na Yozadak.

1 PATTOTTORANG 21:1

Eroki billisika ancilakai tu Israel; lanri kammana nanyonyo'mi Daud sollanna nasuro bilang taua.

ZAKHARIA 6:11

Anjo bulaeng siagang pera' napassareanga ke'nanga, pareki se're songko' kalompoang siagang patabai mae ri ulunna Imang Malompo Yosua ana'na Yozadak.

ZAKHARIA 3:8

Pilangngeri, he ikau Imang Malompo Yosua, kammayatompa ikau ngaseng sikamma imang-imang aganna maraenga, ikau ngasemmi a'jari pangngebarang battu ri allo baji' labattua. Anjo wattua laKusuroi atangKu niarenga ‘I Cu'la'’.

HAGAI 2:4

Mingka teako tappu' panrannuangngi, he ikau ngaseng! Patulusuki anjo jama-jamanga, nasaba' iNakke tuli lambantu ngasengko.

HAGAI 1:12

Nampa Zerubabel siagang Yosua kammayatompa sikontu umma' Israel niakamo ammotere' battu ri pammelakkanga ri Babel, naturukimi kana-kananna Hagai, iamintu suroNa Batara. Nagaukammi ke'nanga apa Naparentakanga Batara mae ri ke'nanga, lanri malla'na ri Batara.

2 PATTOTTORANG 29:11

Ikau ana'-anakku, teako pammukoangi pole, nasaba' ikau ngasemmi Napile Batara untu' anynyomba siagang a'jari atanNa, kammayatompa attunu dupa siagang ampimpingi ra'yaka untu' anynyomba.”

PA'JARIANG 48:16

Iami malaeka' allappassanga' battu sikontu bahayaya. Poro Iaminjo Allata'ala ambarakkaki anne ana'-anaka. Poro attallasaki satunggu-tungguna arengku, arenna Abraham siagang arenna Ishak lanri anne ana'-anaka! Poro ammana'-accucui ke'nanga, namajai turunganna ke'nanga ri lino.”

ZAKHARIA 2:3

Nampa kucini' anjo malaeka' le'baka a'bicara siagang inakke, a'dakka maju, siagang nia' se're malaeka' maraeng ambuntuli.

ZAKHARIA 1:19

Akkuta'nanga' mae ri anjo malaeka' le'baka a'bicara mae ri nakke, angkana, “Apa ngaseng battuanna anjo sikamma tanruka?” Appialimi angkana, “Anjo sikamma tanruka iamintu pangngebarranna sikamma kakaraengang makassaka ampatassimbung-simbungai pandudu'na Yehuda, Israel siagang Yerusalem.”

ZAKHARIA 1:13

Appialimi Batara mae ri anjo malaekaka siagang kana-kana manynyaleori;

ZAKHARIA 1:9

Akkuta'nanga' mae ri ia angkana, “Karaeng, apa battuanna ngaseng sikamma anne jaranga?” Appialimi angkana, “Lakusungkei battuanna mae ri kau.

YEHEZKIEL 44:15

Nakana Batara Kaminang Tinggia, “Ri wattungKu nabokoi bansa Israel, imang-imang tu Lewi battua ri jari-jarina Zadok tamamminrayai allayaniA' lalang ri BallakKu. Lanri kammana anjo iami anjo ke'nanga musti allayaniA' siagang battu mae ri dallekangKu untu' angngerang passare janna siagang cera'na sikamma koro'banga.

YEHEZKIEL 44:11

Lalang ri BallakKu, poro akkulleji bawang ke'nanga allayaniA' salaku pagawe siagang pajaga pakke'bu' lompo. Akkullei ke'nanga ammolong olo'-olo' untu' koro'bang nitunu siagang passare, siagang musti tuli allayani ke'nanga ri ummaka.

YEREMIA 15:19

Appiali Batara angkana, “Punna ammoterekko, laKutarimako. La'jariko ammotere' atangKu. Punna nukabarrangi apa a'matu-matua siagang teai bicara tena bonena, akkulleko ammotere' a'jari na'biKu. Labattui pole taua mae ri kau, siagang tenamo nuparallu mae ri ke'nanga.

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

EZRA 5:2

Nalangngere'na pappasanna anjo ruaya na'bi, appakkaramulami linta' Zerubabel ana'na Sealtiel, siagang Yesua ana'na Yozadak, ambangungi ammotere' Balla'Na Batara ri Yerusalem, nampa nibantui ri anjo ruaya na'bi.

1 SAMUEL 6:20

Nampa nakanamo panduduka ri Bet-Semes, “Inai akkulle attahang ri dallekanNa Batara, Allata'ala Matangkasaka? Kemaei akkulle niantara' anne Pattia sollanna bella battu ri katte?”

PAOLE 18:15

Kabalekanna lakkiringi tau battu ri bansata tonji sitau na'bi kammaya anne inakke battu mae ri kau, siagang musti mannurukiko mae ri ia.

PAOLE 10:8

Anjoreng ri monconga Naallemi Batara tu Lewi nampa Nasa'la' untu' angngurusuki Patti Parjanjianga siagang nalayani Batara, kammayatompa ampabattui kana barakkaka lalang arenNa Batara. Iaminjo tugasa'na ke'nanga sa'genna kamma-kamma anne.

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

EZRA 10:18

Iaminne dattara' areng-arenna tu bura'ne a'buntinga siagang baine bansa maraeng: Sikamma imanga, nidattaraka siagang golonganna: Golongan Yesua siagang sikamma sari'battanna, ana'-ana'na Yozadak, Eliezer, Yarib siagang Gedalya.

ZAKHARIA 4:14

Nakanamo, “Iaminjo battuanna ruaya tau le'baka Napilei Batarana sikontu linoa siagang nijo'joka untu' a'jari palayanNa.”

EZRA 2:2

Ia pamimping-pamimpinna ke'nanga iamintu: Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum, siagang Baana. Iaminne dattara'na golongang kaluarga Israel siagang siapa jaina ke'nanga battu ri tasse're golongang, ammotereka battu ri pa'rasangang pammelakkang: