ZAKHARIA 2:8 - KITTA' MATANGKASA'

⁸ Inai-nai ampitabaiko lima, iami ampitabai lima ana' nikarimangngingKu.” Na Nasuroma' Batara Kaminang Koasaya ampabattui anne pasanga mae ri bansa-bansa le'baka angngellaki umma'Na, angkana,

ZAKHARIA 2:8 Referans Kwoze

PAMMUJI 17:8

Kiparakaia' sanrapang lisere' matanTa, kicokkoa' lalang ri la'lanna ka'nyitTa

PAOLE 32:10

Narapikangi ke'nanga sitabang alla'bang, ri tampa' sinoa ri parang lompoa. Iami ke'nanga rapang pa'mai'Na, Nala'langia siagang Naparakaia.

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

2 TESALONIKA 1:6

LaNagaukangi Allata'ala apa adeleka. LaNabalasaki passessa sikamma tau le'baka ampa'jari sessako.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

1 YOHANES 4:14

Kalenna ikambe le'ba' anciniki Ana'Na Allata'ala, siagang napabattumi ikambe mae ri tau maraenga angkanaya Iami anjo Ana'Na Nasuro Allata'ala antama' ri linoa untu' a'jari Karaeng Mappasalama' ri anne linoa.

YOHANES 17:18

Sangkamma KisuroKu antama' ri lino, kammaminjo naKusuro todong ke'nanga mange ri linoa.

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

ZEFANYA 2:8

Nakana Batara Kaminang Koasaya, “Kulangngere'mi bansa Moab siagang Amon anghinai siagang ancau-caui ummakKu. A'bicara tampoi ke'nanga angkanaya lanarampasaki buttana ummakKu.

HABAKUK 2:8

Le'ba'mi nuella' jai bansa, mingka bansa-bansa akkullea ta'lappasa' langngellakko, lanri pammunoang le'baka nugaukang, siagang lanri kapallakkang le'baka nugaukang mae ri pa'rasangang-pa'rasanganga, kota-kotaya siagang pandudu'na.

MIKHA 7:10

Riolo nahinaki' musua nakana, “Kemaeji anjo Batara, Allata'alanu?” Mingka kamma-kamma anne lanaciniki ke'nanga apa Nagaukanga Batara untu' ikatte, siagang la'jari siri'-siri'mi ke'nanga. Laniciniki anjo musu-musunta nibeta siagang nionjo'-onjokang rapang peo' ri aganga.

MIKHA 5:6

Tu Israel niaka ija tassesa la'jari rapang saliu' dinging battu ri Batara untu' jaia bansa, siagang rapang turunna bosia mae ri lamung-lamunga. Latanjengi ke'nanga mae ri Allata'ala, teai mae ri rupataua.

MIKHA 4:11

Jaimi bansa akkumpulu' ero' ambundukiko, he Yerusalem! Nakana ke'nanga, “Musti niancuruki Yerusalem! Eroki ikambe anciniki anjo kotaya a'jari loro!”

AMOS 1:13

Nakana Batara, “Bansa Amon a'mole-molei doraka, lanri kammana anjo ma'nassa laKuhukkungi ke'nanga. Ri wattunna a'bundu' ke'nanga untu' ampakaluaraki daerana, napuei battanna tubai'-baine tiananga ri Gilead.

AMOS 1:11

Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

AMOS 1:9

Nakana Batara, “Pandudu'na Tirus a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa napassareang mae ri Edom; nadakkai ke'nanga parjanjiang passari'battanganna.

YEHEZKIEL 35:5

Battu riolo iji nanumusu Israel siagang nulappassang ke'nanga nibuno ri wattunna nituju ri bala salaku hukkungang kala'busang mae ri dosana ke'nanga.

YEHEZKIEL 26:2

“He tau, a'rannu-rannui pandudu'na Tirus na nakana, ‘Ancuru'mi Yerusalem! Lanynya'mi kagassinganna lalang ri pa'dangganganga! Tenamo niagang a'bali lalang pa'danggangang!’ ”

YEHEZKIEL 25:15

Nakana Batara Kaminang Tinggia, “Tu Filistin le'baki a'balasa' palla' mae ri musu lompona, siagang napanraki ke'nanga lanri birisi'na.

YEHEZKIEL 25:12

Nakana Batara Kaminang Tinggia, “Bansa Edom le'baki nagaukang sala lompoa, lanri a'gau' pallaki mae ri Yehuda, salaku tindakang pa'balassang.

2 KARAENG-KARAENG 24:2

Appabattui Batara garombolang-garombolang angngeranga sanjata battu ri Babel, Siria, Moab siagang Amon untu' angngewai Yoyakim siagang angngancuruki Yehuda, situru' apa le'baka Nakanang tete ri sikamma na'bi-na'bia atanNa.

PA'JARIANG 20:6

Appialimi Allata'ala lalang anjo so'naya angkana, “Memang Kuassengi angkanaya matangkasaki ati mailalannu anggaukangi anne. Iaminjo saba'na nataKukellayako a'gau' dosa mae ri Nakke, siagang taKupa'biangako anseroi anjo bainea.

ZAKHARIA 2:11

Anjo wattua jai bansa labattu mae ri Batara untu' a'jari umma'Na. Ia lammantang ri tangnga-tangnganu, siagang lanuassengi angkanaya Batara assuroa' battu mae ri kau ngaseng.

ZAKHARIA 2:9

“KalenNa Batara la'jari balinnu ngaseng! Siagang laniella' ngasengko ri sikamma le'ba' ata kalennu tonji. Punna kajariang anjo passalaka, lanuassemmi angkanaya Batara Kaminang Koasaya assuroa'.”

MATIUS 25:45

Lappialimi anjo Karaenga Nakana, ‘Asseng laloi anne: ri wattunnu taeroka antulungi kalase'renna anne tau kaminang tunaya, lalang kammana minjo nutaeroka antulungA'.’

LAMPA-LAMPANA 9:4

Tu'guru'mi Saulus naung ri buttaya, nampa nia' sa'ra nalangngere' angkana ri ia, “O Saulus, Saulus! Apa saba'na nanusessa kamma duduA'?”

HABAKUK 2:17

Nuta'bangi poko'-pokoka ri romanna Libanon, siagang kamma-kamma anne ikau kalennu lanita'bang. Nubunoi olo'-olo'na, siagang kamma-kamma anne napa'jari mallakko anjo olo'-oloka. Nakajariang kabusu' anjo kammaya lanri pammunoang siagang kapallakkang le'baka nugaukang mae ri pa'rasangang-pa'rasanganga, kota-kotaya siagang pandudu'na.

PANGNGEBARANG 7:2

Turuki sikamma pappakaingakku sollanna numate'ne ri tallasa'nu. Pinawangi ajarang-ajarang bajikku sanrapang nukatutuinna lisere' mata kalennu.

YEREMIA 12:14

Nakana Batara, “Iaminne pasangKu ri passala'na bansa-bansa singngampi'na Israel, ampanrakiai pa'rasangang Kupassareanga mae ri ummakKu Israel. Rapang lamung-lamung nibi'buka battu ri buttaya, kamma tomminjo sikamma tau ja'dalaka laKupasuluki battu ri sikamma pa'rasanganna ke'nanga, kammayatompa laKulappassangi Yehuda battu ri panna'gallanna ke'nanga.

YEREMIA 27:7

Sikontu bansaya la'jari atai mae ri ia, mae ri ana'-ana' bura'nena, siagang mae ri cucunna sa'genna narapi' wattunna pa'rasangang kalenna tu'guru' todong. Anjo wattua bansa Babel la'jari atai mae ri bansa-bansa kassaka siagang karaeng-karaeng lompoa.

YEHEZKIEL 26:20

Nampa Kukiringko mange ri linona tau matea untu' asse're siagang tau battua ri jammang riolo dudu. Kubalang parekangko ammantang tuli ri anjo lino tau matea, ri tangnga-tangngana loro-loro satunggu-tunggua, asse're siagang tau matea. Jari tenamo nalanipammantangngi buttanu, siagang tenamo nanipasibilangko tau attallasaka.

YEHEZKIEL 38:14

Lanri kammana anjo Nasuroa' Batara Kaminang Tinggia untu' ampabattui anne pasanga mae ri Gog, angkana, “Ba'lalo ri wattunna attallasa' amang siagang sannang ummakKu Israel nanubattu ambunduki.

YESAYA 49:19

Pa'rasangannu rosoka siagang sino sikalia kamma-kamma anne a'jari seppa' dudumi mae ri tau eroka ampammantangngi. Na tau eroka ampanrakiko, a'lampami bella battu ri kau.

YEHEZKIEL 36:11

Pandudu'nu siagang olo'-olo'nu laKutambai sa'genna a'jari sanna' jaina, la'bi jaiangngangi narioloa, siagang lammana'-manaki naccucu ke'nanga sanna' jaina. Lattallasaki ke'nanga anjoreng sangkamma riolo, siagang Kupa'jari kalumanynyangi, kamma tenayapa nale'ba' nukasia' rioloanganna. Jari lanaassemmi ke'nanga angkanaya iNakkemi Batara.

YEHEZKIEL 38:11

Lanupattantui untu' ambunduki anjo pa'rasangang tenaya pattahanganna, pandudu' attallasaka siagang amang na sannang ri kota-kota tenaya nammake tembo' siagang tenaya nammake pattahangngang.

ZAKHARIA 8:5

Sikamma agang niaka lalang ri kotaya larassi pole siagang ana'-ana' akkarenaya.