ZAKHARIA 2:5 - KITTA' MATANGKASA'

⁵ Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”

ZAKHARIA 2:5 Referans Kwoze

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

PAMMUJI 3:3

Jaimi tau mangkana taerokai Allata'ala antulunga'.

ZAKHARIA 9:8

LaKujagai buttaKu siagang laKutahangi sikamma pasukang-pasukang bansa maraeng niaka ero' allaloi. Tenamo nalaKupa'biang sikamma tumanjallakkanga anjajai ummakKu. Nasaba' Kucini'mi kasessanna ke'nanga.”

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

PAMMUJI 48:3

Sion, bulu'Na Allata'ala, ammenteng sassa' sanna' ga'gana kotaNa Karaeng Malompoa ampakarannui sikontu linoa.

YESAYA 33:21

LaNapappicinikangi Batara kala'biranNa mae ri katte. Lattallasakki' ri biring binanga luaraka, tenaya nakkulle nasombali musua.

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

PAMMUJI 48:12

Boli'mi kamma ra'ya' Sion siagang Yehuda akkio' rannu, lanri Kihukkungi balinna ke'nanga.

PAMMUJI 46:5

Nia' lo'lorang je'ne' binanga ampakarannui KotaNa Allata'ala, tampa' pammantanganNa Allata'ala Kaminang Tinggia.

PAMMUJI 85:9

Erokka' ampilangngeri kananNa Karaeng Allata'ala; Napa'janjiangi kasalewanganga mae ri katte, umma'Na, assala' tenaja nigaukang poleangi dosaya.

PAMMUJI 125:2

Sanrapang moncong-moncong alla'langi Yerusalem, kammaminjo bateNa Batara alla'langi umma'Na anne kamma siagang satunggu-tungguna.

YESAYA 31:9

Lalari karaenna ke'nanga napakamma malla', nampa sikamma perwirana sanna' ta'bangkana, sa'genna nabokoi ke'nanga sikamma bandera pa'bundukanna.” Batara le'ba' akkana, Batara nisombaya siagang nipakalompoa, nisarea koro'bang nitunu ri Yerusalem.

YESAYA 32:18

Lanipakabellai umma'Na Allata'ala battu ri kasusaanga nampa attallasa' ri tampa' sannanga siagang amanga.

YEHEZKIEL 38:14

Lanri kammana anjo Nasuroa' Batara Kaminang Tinggia untu' ampabattui anne pasanga mae ri Gog, angkana, “Ba'lalo ri wattunna attallasa' amang siagang sannang ummakKu Israel nanubattu ambunduki.

YEHEZKIEL 42:20

Jari, tampa' antamaya ri daerana Balla'Na Batara, iamintu appa' pasagi, 250 metere' ri tunggala' sa'rinna. Anjo tampaka nikulilingi ri se'reang tembo' untu' ansimbangi daera nisa'laka untu' Batara battu ri daerana tau jaia.

ZAKHARIA 2:10

Nakana Batara, “Akkelongko ma'rannu-rannu he ikau pandudu'na Yerusalem! INakke lammantang ri tangnga-tangnganu!”

ZAKHARIA 2:11

Anjo wattua jai bansa labattu mae ri Batara untu' a'jari umma'Na. Ia lammantang ri tangnga-tangnganu, siagang lanuassengi angkanaya Batara assuroa' battu mae ri kau ngaseng.

ZAKHARIA 9:14

LaNapappicinikangi KalenNa Batara mae ri umma'Na, sanrapangi kila' nipabuccu' ana'-ana' panaNa. Batara Kaminang Tinggia lappasa'ra' tarompe' pammatei maju a'bundu', nampa a'jappa maju lalang anging barubu battu timboro'.

YEREMIA 31:39

Battu anjorengi garisi' pa'baeng-baenna tattuju mange ri Bulu' Gareb, nampa a'lekko mange ri Goa.

YEHEZKIEL 47:3

Angngukkuru' tommi anjo tu bura'nea siagang takkang pa'baku'na na naeranga' ampinawangi lo'loro'na anjo binangaya a'lampa anrai' sa'genna 500 metere' bellana, nampa nasuroa' a'limbang. Ri anjo tampaka, je'neka sa'ge tompo' pala' bangkenji.

ZAKHARIA 1:16

Kamma-kamma anne ammoterekKa' mae ri Yerusalem untu' ampamopporangi anjo kotaya. Lanibangungi ammotere' BallakKu siagang lanipakabajiki ammotere' kota Yerusalem.”