ZAKHARIA 14:8 - KITTA' MATANGKASA'

⁸ Ri anjo alloa, la'lo'loroki je'ne ci'nonga battu ri Yerusalem; tawaruanna anjo je'neka la'lo'loro' mangei ri Tamparang Matea nampa bageruanna pole la'lo'loro' mangei ri Tamparang Tangngaya. La'lo'loroki anjo je'neka tunggala' taung, baji' nawattu bara' kammayatompa ri wattu timoro'.

ZAKHARIA 14:8 Referans Kwoze

YOHANES 7:38

Ri passala'na tau tappaka mae ri Nakke, niaki tattulisi' lalang ri Kittaka angkana, ‘Battu lalang ri atinna assolong je'ne' assarea katallassang.’ ” (

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

YOHANES 4:10

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

YO"EL 3:18

Ri anjo wattua sikamma monconga larassi koko anggoro'. Olo'-olo' niparakaia langnganrei ruku' ri bulu'-bulu' copponga. Sikamma binangaya ri Yehuda tena le'bakai lala'busu' je'ne'na. Se're binanga lassolong battu ri Balla'Na Batara, na nabasai Ka'bung Akasia siagang je'ne' nyamang.

YO"EL 2:20

Anjo pasukang katimbang niaka battu wara' laKubongkai, sipa'gang Kuondangi mange ri parang kassika. Mange ri Tamparang Matea laKulusuru' barisang ri dallekang, mange ri Tamparang Tangngaya Kusorong barisang ri bokoanna. La'rasai sikamma bakkena. Kuancuruki ke'nanga lanri le'ba'na ke'nanga ansessa ngasengko.

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

YESAYA 35:7

Kassi' bambanga la'jari kollang, butta kalotoroka la'jari timbuseng je'ne'. Tampa' le'baka napammantangngi kongkong romang, lanipattimboi ri borong nipa siagang pandang.

LUKAS 24:47

Kammayatompa, lalang arenNa anjo Karaeng Mappasalamaka, musti nibirittakangi mae ri sikontu bansaya angkanaya musti tobaki sikontu rupataua, kammayatompa Napammopporangi Allata'ala dosa-dosaya. Na anjo birittaya, musti nipabattui appakkaramula battu ri Yerusalem.

YESAYA 58:11

INakke tuli lampimpingko siagang lampakabassorokko ri butta kalotoroka; iNakke lanjagaiko sollannu tuli akkamale siagang kassa'. Larapangko koko anggannaka ri je'ne', rapang timbuseng je'ne' tenaya nale'ba' a'jari kalotoro'.

KELONG MALA'BIRI' 4:15

Timbuseng je'ne' ri kokongku appasuluki je'ne' a'lo'loroka battu ri Libanon!

MIKHA 4:2

lanakana ngaseng ke'nanga, “Umba kinai' ri bontoNa Batara ri Balla'Na Allata'alana Israel! LaNapangngajarrangi mae ri katte apa mustia nigaukang. Lanipinawangi oloanNa lanri pangngajaranNa Batara battu anjorengi ri Yerusalem; battu ri Sion a'bicara mae ri umma'Na.”

ZAKHARIA 14:4

Ri anjo alloa lammentengi ri Bulu' Zaitun, irayanganna Yerusalem. Nalanibage rua Bulu' Zaitun ri se'rea ka'bung lappara', appakkaramula battu iraya sa'genna kalau'. Tawaruanna anjo buluka la'gioki a'lampa wara', nabageruanna pole a'lampa timboroki.

YOHANES 5:4

Nasaba' nia' wattunna nanaung malaeka'Na Batara ri anjo balanga anggoccangi je'ne'na. Na punna ta'goccang je'neka, inai-nai tau garring kaminang riolo naung ri anjo balanga, iami lammari garrinna, manna pole garring apa.