ZAKHARIA 14:12 - KITTA' MATANGKASA'

¹² LaNapabattui Batara garring appakamalla'-mallaka mae ri sikontu bansa le'baka a'bundu' angngewai Yerusalem. Matanna siagang lilana ke'nanga, ba'lalo sikontu batangkalenna la'jari bottoki lalang attallasa'na ija ke'nanga.

ZAKHARIA 14:12 Referans Kwoze

ZAKHARIA 12:9

Anjo alloa laKuancuruki sikamma bansa eroka ampaccoba-cobai ambunduki Yerusalem.

ZAKHARIA 14:3

Nampa lamaju Batara untu' a'bundu' angngewai anjo bansa-bansaya, sangkamma le'baka Nagaukang ri jammang riolo.

PAMMUJI 90:11

Inaika angngassengi lompona pangngalarroinTa? Yareka angngassengi kale'bakkanna kalarroanTa?

2 PATTOTTORANG 21:15

Manna kalenta lanatabaki' garring ri parru', pila' allo pila' sannaki!”

PAOLE 28:59

lappabattui Batara mae ri kau siagang mae ri jari-jarinu sikamma garring tenaya nakkulle niballei kammayatompa garring-garring tenaya nakkulle nipamari.

PAOLE 28:22

LaNahukkungko Batara siagang garring-garring a'lette'-letteka, garring akkambang-kambanga siagang rammusuka. Lappabattui timoro' karring siagang anging appakamutunga sa'genna panra' lamung-lamunnu. Anjo balaya tulusu' lania'na battu antujuko sa'gennu panra'.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

KAIMANGNGANG 26:24

laKupangngajariko siagang Kuhukkungko a'lappi tuju la'bi battala'na na hukkungang rioloa.

KAIMANGNGANG 26:21

Punna tulusu' angngewa ijako mae ri Nakke siagang taerokako mannuruki mae ri Nakke, laKutambai pole hukkungannu a'lappi tuju.

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

PAPPICINI' 17:16

Anjo sampuloa tanru' siagang anjo olo'-olo' nucinika labirisiki mae ri anjo pasundalaka. Lanarampasaki ke'nanga sikamma apa-apa niaka ri ia, siagang lanapa'jari assolaraki. Lanakanrei ke'nanga assinna siagang lanaancuruki siagang pepe'.

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

KAIMANGNGANG 26:18

Punna le'ba' nukasia' ngaseng anjo hukkunganga natenapa numannuruki ri Nakke, laKutambai anjo hukkungangKu a'jari a'lappi tuju.

PAOLE 28:21

Sabattu-battuna garringa antujuko, sa'genna kala'busanna manna sitau battu ri kau tena lammantang tassesa ri anjo pa'rasangang nupammantangngia.

AYUB 18:13

Nikanrei bukkulenna ri garring sanna'; limanna siagang bangkenna, botto' a'nana.

ZAKHARIA 14:15

Nia' todong garring lompo lantabai jaranga, bagalka, untaya, keledaia, siagang sikontu olo'-olo' niaka ri kemana musua.

ZAKHARIA 14:18

Siagang punna taeroka tu Mesir ampakalompoi Passua'-suarrang Pa'ballakang Leko'-Lekoka, lanituju tongi ke'nanga garring Napabattua Karaeng Allata'ala mange ri tunggala' bansa tenaya naero' anynyomba.

ZAKHARIA 1:15

Mingka sanna' larroKu mae ri bansa-bansa nakanaya amang siagang sannang pakkasia'na. Nasaba' ri wattunna Kutahang larroKu mae ri ummakKu, anjo bansa-bansaya pila' natambai sessana ummakKu.

ZAKHARIA 2:4

Nakana malaeka' makase'rea mae ri malaeka' makaruaya, “A'lampako linta' mange ri anjo tau rungkaya, siagang pauangi angkanaya lateai sipato' rassina kota Yerusalem napakamma tau siagang olo'-olo' niparakai, sa'genna tena olona lakkulle nibangung tembo' pakkallika ri tammulilina.