ZAKHARIA 13:7 - KITTA' MATANGKASA'

⁷ Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

ZAKHARIA 13:7 Referans Kwoze

MARKUS 14:27

Le'baki anjo Nakanamo Isa ri ke'nanga, “Lalari ngasengko a'lampa ambokoiA'. Nasaba' nia' tattulisi' lalang ri Kittaka angkanaya, ‘LaNabunoi Allata'ala pakalawakinna, na tassia'-siara'mo gimbala'na.’

MATIUS 26:31

Nampa Nakana Isa ri ana'-ana' gurunNa, “Anne bangngia lalari ngasengko ambokoiA' Kale-kalengKu; nasaba' nia' tattulisi' lalang ri Kittaka angkanaya: Nakana Allata'ala, ‘LaKubunoi anjo pakalawakia, nalari ngaseng tassia'-siara' gimbala'na.’

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

YOHANES 16:32

U'rangi! Angkanaya lanarapiki sallang wattunna, ba'lalo narapi'mi wattunna, nulanipasisa'la'-sa'la'. Massing lammoterekko mange ri balla'nu, nanubokoiA' Kale-kalengKu. Mingka tena nalaKale-kalengKu mamo, nasaba' niaki Manggea anrurungangA'.

MARKUS 14:50

Lari ngasemmi ana' gurunNa ampilari Isa.

YEHEZKIEL 37:24

Lanipa'jari se'rei ke'nanga irawangang parentana se'rea karaeng sangkammaya Karaeng Daud, ammarentaya satunggu-tungguna. Lamajarreki ke'nanga anturuki hukkung-hukkungKu. Nampa sa'genna satunggu-tungguna ke'nanga siagang jari-jarina ke'nanga lanapammantangngi anjo pa'rasanganga, iamintu pa'rasangang Kupassareanga mae ri Yakub siagang napammantangngia boe-boena ke'nanga.

ZAKHARIA 11:7

Nampa inakke, Zakharia, nigajima' ri sikamma padanggang gimbalaka untu' angkalawaki sikamma gimbala' lanipolonga. Inakke nia' rua takkangku; se'reanga kuarengi “Kalammorang” nampa se'reanga pole kuarengi “Sikkokang”. Nampa appakaramulama' anjagai siagang amparakai anjo sikamma gimbalaka.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

PAPPICINI' 1:8

“INakkemi uru-urua, siagang iNakkemi kala'busanga,” kammami anjo kananNa Karaeng Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna, Ia Kaminang Makoasaya.

YEREMIA 47:6

Ammarrangko angkana, ‘Siapapi sallonu la'bundu', he pa'danNa Batara? Ammotere' mako antama' ri banoannu nampa ammantang mako anjoreng siagang sannang!’

1 PETRUS 5:4

Na punna battu sallang Pakalawaki Mala'birika, langgappa mako hadia sannaka ga'gana. Anjo hadiaya takkulleai amminra kaga'ganna.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

ROMA 4:25

Anjo Isa le'ba'mi nipassareang untu' nibuno passabakkang dosa-dosata; nampa nipattallasa' poleang ammotere' ri Allata'ala, sollanta nisare oloang assibajiki ammotere' siagang Allata'ala.

YOHANES 10:30

INakke siagang Manggea se'rejA'.”

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

ZAKHARIA 11:4

Nakana Karaeng Allata'ala mae ri nakke, “A'gau' sanrapangko pakalawaki angkalawakiai gimbala' lanipolonga.

MIKHA 5:4

siagang lassarei kaamangngang. Punna battu tantara Asyur ambunduki pa'rasanganta siagang nalappo pattahanganta, lanipagio' kabusuki sikamma pamimpinta kassaka untu' ambunduki ke'nanga. Lanibetai tu Asyur ri pamimping-pamimpinta lanri kagassingang sanjata, nanipasalamakki' battu ri limanna ke'nanga.

YOHANES 16:15

Sikontu apa niaka ri Manggea iNakke ngaseng pata. Iaminjo saba'na naKukana ri kau angkanaya anjo apa Napabattua RohNa Allata'ala mae ri kau, apa le'ba' Natarima battu ri Nakke.”

YOHANES 14:23

Appialimi Isa Nakana, “Inai-nai angkamaseangA', lanaturuki ajarangKu. Lanikamaseangi ri ManggeKu. LaniakKa' siagang Manggea battu mae ri ia, ammantang anrurungangi.

YOHANES 14:1

Nakana Isa ri ke'nanga, “Teako lussaki ri atinnu. Tappa' mako mae ri Allata'ala, siagang tappa' tommako mae ri Nakke.

YOHANES 10:38

Mingka lanri Kugaukammi, tappa' mako mae ri sikamma anjo apa le'baka Kugaukang, manna pole taerokako tappa' ri Nakke. Lalang kammana minjo nanuasseng siagang nupahang angkanaya tuli se'rena Manggea siagang iNakke, siagang tuli se'reKu siagang Manggea.”

YOHANES 8:58

Appialimi Isa Nakana, “Sitojeng-tojenna Kukana ri kau ngaseng: tenapa nanilassukangi Abraham, naKunia' memammo iNakke.”

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.

MATIUS 10:42

Inai-nai assarei je'ne' inung kalase'renna tau tuna dudua, manna naje'ne' dinginja, passabakkang amminawanna ri Nakke, patappa'mi angkanaya tena tanggappana pahala sallang!”

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

YEHEZKIEL 21:28

“He tau, a'boto mako! Pauangi tu Amon le'baka anghinai tu Israel, angkanaya iNakke, Batara Kaminang Tinggia, akkana, ‘Se're pa'dang sadiami untu' ammuno; anjo pa'danga le'ba'mi nikantisi' sa'genna accilla' sangkamma kila', sollanna sadia untu' ammuno.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

PAMMUJI 2:2

Assamai ambangung sikamma karaenna lino na situju sikamma pinggawaya mangngewa ri Batara karaeng nipileNa.

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

PAPPICINI' 13:8

Anjo olo'-oloka lanisombai ri sikontu tau attallasaka ri lino, pantaranganna tau le'bakamo nitulisi' arenna ri wattu tenanapa nipa'niaki linoa, lalang ri kitta' katallassanNa anjo Ana' Gimbala' le'baka nisamballe.

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

1 YOHANES 2:2

Tete ri Ia minjo Isa Almasi nanipammopporang dosa-dosata. Siagang teai dosa-dosataji bawang, passangalinna dosana pole sikontu rupataua.

FILIPI 2:6

Sikontutojenna sangkammai la'biri'Na siagang Allata'ala, mingka tenamo namusti Najampangi anjo kala'birang kammaya.

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

ROMA 8:32

Manna ana' KalenNa tena todong Nakadarangi, passangalinna Napassareammi untu' kaparalluanta ngaseng; maka talaNasareaki' sikamma kaparalluanta maraenganga?

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

LUKAS 17:2

Bajikangangi punna nigentungi batu kallonna nampa nipela' antama' ri tamparanga anjo tau kammaya, kala la'jaria passabakkang na'gau' dosa kalase'renna sikamma anne tau ca'dia.

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

MATIUS 26:56

Mingka lakajariang ngaseng memanji anne kammaya, sollanna a'rupamo apa le'baka natulisi' na'bi-na'bia lalang ri Kittaka.” Le'baki anjo, apaji nalari ngasemmo ana'-ana' gurunNa Isa, a'lampa ambokoi.

MATIUS 18:14

Kamma tomminjo Manggenu ri suruga. Tena Nakellai kalase'renna anne tau beru tappaka ri Nakke sala oloang.”

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

ZAKHARIA 11:11

Anjo memang alloa natanipa'jariamo anjo parjanjianga. Najannangngima' anjo sikamma padanggang gimbalaka, siagang napahammi ke'nanga angkanaya KalenNa Batara a'bicara tete ri sikontu apa kugaukanga.

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YESAYA 1:25

LangngalleA' tindakang mae ri kau. Rapang tau lannangkasia pera' yareka bulaeng, kammaminjo laKutangkasi tongko; sikontu apa ra'masaka laKupabellai battu ri kau.

YEHEZKIEL 7:6

Kamma-kamma anne sikontu-kontuna narapi'mi kala'busanna. Iaminne kale'bakkannu. Tenamo panrannuang mae ri kau.

YEHEZKIEL 21:3

angkanaya iNakke, Batara, akkana kamma anne, ‘INakke anne musunnu. LaKubi'buki pa'dangKu nampa Kubuno ngasengko, tau ja'dalaka siagang tau bajika.