ZAKHARIA 13:4 - KITTA' MATANGKASA'

⁴ Ri anjo alloa, sikamma na'bia lasiriki untu' anggaukangi gau' na'bia. Tena nalammake na'bi ke'nanga untu' annipu siagang ampattampoangi sikamma paccini'na.

ZAKHARIA 13:4 Referans Kwoze

MATIUS 3:4

Anjo Yohanes bulu unta pakeanna. Kukkulu' passikko' aya'na, na katimbang siagang bani romang napare' kanre.

YESAYA 20:2

Tallun taung allaloa, Nisuroi Yesaya ana'na Amos ri Batara sollanna napasulu' pa'lapa' bangkenna siagang kaeng karung niaka napake. Mannurukimi nampa a'jappa assolara' siagang tena nammake pa'lapa' bangkeng.

2 KARAENG-KARAENG 1:8

Appialimi ke'nanga angkana, “Jubana siagang passikko' aya'na battu ri kukkulu' nipare'.” Angkanami karaenga angkana, “O, anjo Elia!”

PAPPICINI' 11:3

LaKusuroi rua sa'bingKu ammakeang tau kamateanga, na lanapa'la'bang biritta battua ri Allata'ala 1260 allo sallona.”

MARKUS 1:6

Na ia Yohanes, bulu unta napare' juba; kukkulu' napare' passikko' aya'; na katimbang siagang bani romang napare' kanre.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEREMIA 2:26

Nakana Batara, “Rapang palukka' siri'-sirika ri wattunna nijakkala', kamma tomminjo batenu lasiri'-siri' ngaseng, he tu Israel, siagang sikamma karaenga, sikamma pamarentaya, siagang imang-imanga siagang sikamma na'bi-na'binu!

IBRANI 11:37

Nia' nisambilai batu sa'genna mate, nia' nisamballe siagang garagaji, kammayatompa nibuno siagang pa'dang. Mange-mangei a'lampa ke'nanga ammakeang kukkulu' gimbala' yareka kukkulu' bembe; kasi-asi tallasa'na ke'nanga, nigau' takamma-kammai siagang nisessai.

YEREMIA 8:9

Sikamma tau cara'de' niaka ri tangnga-tangnganu lanipakasiriki. Lamatei akkala'na ke'nanga siagang lanaallei sikko'. Taerokai ke'nanga ampilangngeri pappakaingakKu; kamma-kamma anne, kacara'dekang apa mami nia' ri ke'nanga?