ZAKHARIA 13:2 - KITTA' MATANGKASA'

² Ri anjo alloa laKupattaenami areng-arenna barhala-barhalaya battu ri anne buttaya, sa'genna tenamo manna sitau angngu'rangi. Sikontu tau nakanaya kalenna na'bi siagang tau a'balle-ballea nakana kalenna napantamakki roh, laKubongka kabusuki.

ZAKHARIA 13:2 Referans Kwoze

1 KARAENG-KARAENG 22:22

Akkuta'nammi Batara angkana, ‘Antekamma carana?’ Appialimi anjo roh angkana, ‘La'lampa' nampa kupa'jari a'balle-balle ngaseng na'bi-na'bina Ahab.’ Nakanamo Batara, ‘Baji'mi, gaukammi anjo, lakkulleko antu anynyonyoki.’ ”

HOSEA 2:17

Tenamo nalaKupa'biang antappui arenna Baal, sa'genna nakaluppaimo taua anjo arenga.

KALAPPASSANG 23:13

Parhatikangi sikontu apa le'baka Kupau mae ri kau. Teako appakalompoi rewata-rewata maraeng, ba'lalo manna nutappua arenna tena todong nakkulle.”

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

YEHEZKIEL 30:13

Nakana Batara Kaminang Tinggia, “LaKuancuruki barhala-barhalaya siagang rewata-rewataya ri Memfis. Talaniakkamo pole karaeng ri Mesir. Sikontu pandudu'na laKupa'jari mallaki.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

LUKAS 11:20

Mingka iNakke, lanri koasa battu ri Allata'ala naKubongka setanga. Battuanna, angkanaya appakkaramulami ammarenta Allata'ala ri tangnga-tangnganu ngaseng.

MATIUS 12:43

“Punna a'lampa roh ja'dalaka ambokoi se'rea tau, la'lampai anjo roh ja'dalaka akkuliling ri tampa'-tampa' kalotoroka, ero' a'boya pammari-mariang. Mingka tena nanggappa tampa'.

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

MIKHA 2:11

Erokko ri na'bi nangaia a'balle-balle siagang annipu kammayatompa ambotoai angkanaya langgappako anggoro' siagang inungang terasa' sa'genna alla'bi-la'bi.”

YEHEZKIEL 37:23

Tenamo nalanara'massi pole kalenna ke'nanga lanri nagaukanna dosaya siagang anynyombana ri barhalaya, appakaringi'-ringika. LaKupakabebasaki ke'nanga battu ri sikontu sala panggaukanga, ampakabellayai ke'nanga battu ri Nakke. LaKutangkasi ke'nanga; la'jari ke'nanga ummakKu, siagang iNakke Allata'alana ke'nanga.

YEHEZKIEL 14:9

Punna nia' sitau na'bi nitipu sa'genna assare piali sala, iNakkemi antipui. INakke, Batara Kaminang Tinggia lampakabellai battu ri tu Israel.

YEHEZKIEL 13:23

Kamma-kamma anne kala'busammi sikamma paccini' balle-ballenu siagang boto takontu tojennu. Kupasalamaki ummakKu battu ri pangaru ja'dala'nu. Na nuassemmo angkanaya iNakke Batara.”

YEREMIA 29:23

Kammami anjo sarenna ke'nanga, lanri le'ba'na nagaukang dosa-dosa lompoa ri Israel, iamintu: a'gau' bawangi ke'nanga, siagang napakei arenNa Batara untu' ancaritai apa-apa tenaya natojeng. Anjo kammaya sisalai siagang ero'Na Batara. Naassengi apa nagaukanga ke'nanga, siagang ia KalenNa a'jari sa'bi angngewai ke'nanga. Kammami anjo le'baka Nakana Batara.”

YESAYA 2:18

Sikamma barhalaya lalanynya' tabasikali.

PAMMUJI 16:4

Boli'mi kamma tu anynyombaya ri rewata-rewata pila' katambang si'nana. Taeroka' assare koro'bang mae ri rewata-rewataya, ba'lalo taeroka' ampaui arenna ke'nanga.

YOSUA 23:7

Lanri kammana anjo tenamo nulasileo' siagang bansa-bansa niaka ija ammantang ri alla'nu. Tena nalanutappu arenna rewata-rewatana ke'nanga yareka assumpa lalang arenna anjo arenga. Kammayatompa tena todong nalanugaukang ibadaya yareka anynyomba mae ri anjo rewata-rewataya.

PAOLE 12:3

Rumbangi sikamma tampa' pakkoro'bangnganna ke'nanga siagang allei lissarrang sikamma benteng batu nakanaya karamaki ke'nanga. Tunui gamba'-gambara'na Rewata Asyera siagang ancuruki patung-patung barhalana ke'nanga, sa'genna tenamo nakkulle nisomba poleang anjo rewata-rewata ri sikamma anjo tampaka.

KALAPPASSANG 22:13

Punna nialle ri olo'-olo' sekke' anjo olo'-olo' piaraya anjo tau ammarakaia musti napappicinikangi sesa buku-bukunna untu' a'jari butti mae ri patanna; tena naparallu a'bayara' sambe karugiang untu' anjo olo'-oloka.

PAPPICINI' 18:2

Akkio' lompomi angkana, “Tu'guru'mi anjo bainea! Tu'guru'mi Babel lompoa! Kamma-kamma anne anjarimi tampa' pammantanganna setang-setanga siagang roh-roh ja'dalaka. Lalammi ammantang sangka' rupaya jangang-jangang rantasa' siagang nakabirisia taua.

MATIUS 7:15

“Tutuko mae ri na'bi-na'bi palassua. Sanrapangi nicini' gimbala' ke'nanga, mingka sikontutojenna sanrapangi kongkong nye'nyereka lalang nyawana ke'nanga.

HOSEA 14:8

Lammotereki ke'nanga mae ri Nakke nammamtang lalang ri la'langKu. Lintaki ke'nanga katambang kalumanynyanna, rapang gandung a'bakka' ri koko copponga buttana siagang rapang koko anggoro'. Rapang je'ne' anggoro' Libanon lamasahoroki arenna ke'nanga.

YEHEZKIEL 6:6

Sikontu kota Israel laniancuruki, sikontu tampa' pakkoro'bangnganga siagang barhalaya lalicaki, sikamma pa'dupaanna latassimbung-simbungi, kammayatompa sikamma apa napareka ke'nanga latappelaki.

YEHEZKIEL 12:24

Ri Israel tenamo pacini' yareka paboto balle-balle;

YEHEZKIEL 36:29

LaKupakabebasakko battu ri sikontu kara'massannu. LaKuparentakangi gandunga sollanna coppong timbona sa'gennu talanatujuamo kacipurang.

PAOLE 18:20

Mingka punna nia' sitau na'bi barani appabattu pasang lalang arengKu, nampa teai iNakke ansuroi anggaukangi anjo kammaya, musti matei lanri anjo panggaukanna; kammayatompa sikamma na'bi a'bicaraya lalang arenna rewata-rewata maraenga musti matei.’

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.

HOSEA 2:19

Israel, laKupa'jariko bainengKu, baine assaKu satunggu-tungguna. LaKukamaseangko siagang tuli Kukarimangngiko; laKulambusi pa'maikKu mae ri kau siagang lamajarreki pangngaingKu.