ZAKHARIA 13:1 - KITTA' MATANGKASA'

¹ Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

ZAKHARIA 13:1 Referans Kwoze

PAMMUJI 51:2

ri le'ba'na nipakainga' ri Na'bi Natan lanri a'gau' salimara'na siagang Batsyeba.

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

1 YOHANES 5:6

Iaminjo Isa Almasi, antamaka ri anne linoa angngerang je'ne' lanapa'je'neka siagang cera' kamateanNa. Tena naje'ne' bawang Naerang battu, mingka je'ne' siagang cera'. Na KalenNa RohNa Allata'ala a'jari sa'bi angkanaya kammatojengi anjo; nasaba' iaminjo Roh kontutojenga.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

1 PETRUS 1:19

passangalinna apa sannaka lompona anggaranna; iamintu KalenNa Almasi, a'jaria sanrapang gimbala' tenaya callanna, nikoro'bangkanga mae ri Allata'ala.

ZAKHARIA 12:3

Mingka punna ta'rapi'mo anjo alloa, laKupa'jari Yerusalem sanrapang batu battalaka; manna pole bansa battu kemae ancobai angngangkaki langgappai bala. Sikontu bansaya ri lino lanapa'jari se'rei kalenna untu' ambunduki Yerusalem.

PAMMUJI 51:7

Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

YEHEZKIEL 36:29

LaKupakabebasakko battu ri sikontu kara'massannu. LaKuparentakangi gandunga sollanna coppong timbona sa'gennu talanatujuamo kacipurang.

YEHEZKIEL 36:17

“He tau, ri wattunna ammantang tu Israel ri pa'rasangang kalenna, nara'massi anjo pa'rasanganna lanri tindakanna siagang panggaukanna ke'nanga. Kupasangkammai harang anjo panggaukanna ke'nanga, rapang baine battua bulanna.

YESAYA 4:4

Lanri koasaNa Batara laNaadeli siagang laNatangkasi umma'Na. LaNatangkasi Yerusalem battu ri cera'na sikamma tau nibunoa ri anjo kotaya.

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YEREMIA 29:26

“Le'ba' mako Naangka' Batara a'jari imang ansambeangi Yoyada, siagang kamma-kamma anne ikaumi kaminang tinggia empoannu ri Balla'Na Batara. Ia tugasa'nu iamintu amparentakangi sollanna sikamma tau pongoroka, nakanaya kalenna na'bi, nisikkoki rante bassi kallonna.

YEREMIA 33:8

LaKutangkasi ke'nanga battu ri dosa-dosana, ia le'baka nagaukang ke'nanga mae ri Nakke; laKupammopporangi dosa-dosana siagang kadorakanna ke'nanga.

YEHEZKIEL 47:1

Naeranga' anjo tu bura'nea ammotere' mange ri pakke'bu' antamaya ri Balla'Na Batara. Nia' kucini' je'ne' a'lo'loro' battu rawanganna anjo pakke'buka a'lampa anrai', sangkamma Balla'Na Batara a'dalle' anrai' tongi. Anjo je'neka a'lo'loroki battu ri rawanganna pakke'bu' lompona Balla'Na Batara bageang timboro', allalo ri sa'ri timboranna tampa' pakkoro'bangnganga.

KAIMANGNGANG 11:36

Pantaranganna timbuseng je'neka yareka bungunga, yangasenna maraenga a'jari ra'masaki punna nitaba ri bakke.

YESAYA 12:3

Rapang je'ne' dinging ampakarannui tau turerea, kammaminjo batenu larannu, lanri Nipasalamakko ri Allata'ala.”

MIKHA 5:12

LaKuancuruki patung-patunnu siagang tembo'-tembo' karama'nu; tenamo nulanynyomba ri barang-barang nupareka kalennu.

YOHANES 5:4

Nasaba' nia' wattunna nanaung malaeka'Na Batara ri anjo balanga anggoccangi je'ne'na. Na punna ta'goccang je'neka, inai-nai tau garring kaminang riolo naung ri anjo balanga, iami lammari garrinna, manna pole garring apa.