ZAKHARIA 12:9 - KITTA' MATANGKASA'

⁹ Anjo alloa laKuancuruki sikamma bansa eroka ampaccoba-cobai ambunduki Yerusalem.

ZAKHARIA 12:9 Referans Kwoze

HAGAI 2:22

sikamma kakaraenganga laKurumbangi siagang Kuancuru' kakoasanna ke'nanga. Kareta-kareta bundu'na siagang paeranna laKuparateangi bangkenna; sikontu jaranga lamate kabusuki siagang pabaena lamassing sibuno-bunoi.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

ZAKHARIA 12:2

“LaKupa'jari Yerusalem sanrapang piala niaka anggoro'na; sikamma pa'rasangang singngampi'na lanainungi anjo anggoroka nampa ta'royong-royong rapang tau nasa'ringa. Na punna nitammulili Yerusalem ri musua, sikamma kota-kota niaka ija ammantang ri pa'rasangang Yehuda lanitammulili tongi ri musu.

YESAYA 29:7

Nampa sikontu pasukang bansa maraeng battua ambunduki Yerusalem, kota tampa' pakkoro'bangnganga mae ri Allata'ala, yangasenna tau niaka antammulili siagang ambunduki anjo kotaya, lalanynya' ngasengi rapang so'na ri wattu bangngina.

YESAYA 54:15

Punna nibundukiko, teai iNakke ampassuroangi, manna inai ambundukiko latu'guru' ngasengi.