ZAKHARIA 12:4 - KITTA' MATANGKASA'

⁴ Anjo alloa laKupa'jari lingu ngasengi jaranga siagang pabaena Kupa'jari pongoroki; laKujagai pandudu'na Yehuda, mingka Kupa'jari butai sikontu jaranna musunna.

ZAKHARIA 12:4 Referans Kwoze

ZAKHARIA 12:3

Mingka punna ta'rapi'mo anjo alloa, laKupa'jari Yerusalem sanrapang batu battalaka; manna pole bansa battu kemae ancobai angngangkaki langgappai bala. Sikontu bansaya ri lino lanapa'jari se'rei kalenna untu' ambunduki Yerusalem.

PAOLE 28:28

LaNapa'jari pongorokko Batara, siagang napa'jari buta kammayatompa a'lingu-lingu.

ZAKHARIA 12:6

Anjo alloa sikamma kaluarga Yehuda laKupa'jari rapang pepe' lalang ri pa'gompoang kayu tunua yareka sulo a'rinraya irawanganna gandung-gandung nikawarranga; lanaancuruki ke'nanga sikamma bansa-bansa niaka ri tammulilina. Mingka pandudu'na Yerusalem tuli ammantangi lalang ri kotaya siagang amang.

LAMPA-LAMPANA 17:30

Anjo wattu kadongokanta Nakaluppaimi Allata'ala, mingka kamma-kamma anne Nasuromi toba' battu ri dosa-dosana sikontu rupataua ri lino.

ZAKHARIA 14:15

Nia' todong garring lompo lantabai jaranga, bagalka, untaya, keledaia, siagang sikontu olo'-olo' niaka ri kemana musua.

ZAKHARIA 12:11

Ri anjo alloa nia' karru' lompo ri Yerusalem, rapang karru' mae ri Hadad-Rimon ri Ka'bung Lappara'na Megido.

ZAKHARIA 10:5

Lammetai pandudu'na Yehuda sangkamma pejuang-pejuang angngonjo'-ngonjokangi musunna rapang butta peo' ri aganga. Labarjuangi ke'nanga lanri iNakke, Batara ambantuai ke'nanga; siagang lanabetai ke'nanga sikamma musu a'dongko' jaranga.

ZAKHARIA 9:8

LaKujagai buttaKu siagang laKutahangi sikamma pasukang-pasukang bansa maraeng niaka ero' allaloi. Tenamo nalaKupa'biang sikamma tumanjallakkanga anjajai ummakKu. Nasaba' Kucini'mi kasessanna ke'nanga.”

DANIEL 9:18

Kipilangngeri laloi ikambe, o Allata'ala, Kiciniki siagang Kiparhatikangi kasessanna ikambe kammayatompa kapanrakanna kota nigallaraka situru' arenTa. Appala' doangi ikambe mae ri Katte teai lanri jasa-jasana ikambe, passangalinna lanri lompo pangngamaseanTa.

YEHEZKIEL 39:20

Ri mejangKu akkullei ke'nanga nabassori battanna siagang sikontu tau a'jaranga siagang jaranna, kammayatompa sikontu pasukang tu baranina. INakke, Batara Kaminang Tinggia, anne akkana.”

YEHEZKIEL 38:4

LaKupalekkoi, laKupitabai pakkai' cango-cangona, nampa Kupasinta' assulu' siagang sikontu pasukanna. Jai sikali pasukang a'jaranna, ammakeang sangkamma-kammaya. Tunggala' tantarana massing angngerangi pannangkisi' siagang pa'dang.

YEREMIA 24:6

LaKujagai ke'nanga siagang laKuerangi ke'nanga ammotere' mae anrinni ri pa'rasanganga. LaKupabangungi ke'nanga, tena naKuruntungi; laKulamungi, tena naKubi'buki ke'nanga.

YESAYA 37:17

O, Batara, Kiparhatikang laloi apa kajarianga mae ri kambe kamma-kamma anne. Pilangngerimi sikamma kana-kana mappakatunana Sanherib mae ri Katte, Allata'ala mattallasaka.

YESAYA 24:21

Anjo wattua laNahukkungi Batara sikamma tukoasaya ri sikontu linoa siagang sikamma karaenga ri buttaya.

NEHEMIA 1:6

Kicinikima' o Batara, siagang Kipilangngeri anne pappala' doang kupanaika ri Katte allo bangngi untu' umma' Israel, anjo atanTa ngaseng. Kumangakui angkana ikambe, umma' Israel, dorakami. Inakke siagang boe-boeku doraka tonga'.

2 PATTOTTORANG 7:15

Latuli Kuparhatikangi anne BallakKu siagang tuli sadiaKu untu' ampilangngeri pappala' doang nipanaika battu anrinni ri tampaka.

2 PATTOTTORANG 6:40

Kamma-kamma anne, o Allata'alaku, poro Kiparhatikang laloi ikambe siagang Kipilangngeri laloi sikamma pappala' doang nipabattua mae ri Katte battu ri anne tampaka.

2 PATTOTTORANG 6:20

Dasi-dasi naKijagai allo bangngi anne balla' le'baka Kipile a'jari tampa' panynyombang mae ri Katte. Dasi-dasi nabattu rate ri pammantanganTa ri suruga naKipilangngeria' siagang Kipamopporang dosaku siagang umma' Israel, iamintu ummatTa, punna andallekang ri anne ballaka siagang appala' doang mae ri Katte.

2 KARAENG-KARAENG 6:18

Ri wattunna maju anjo tu Siria, appala' doangi Elisa angkana, “O, Batara, Kipa'jari buta laloi anne taua ngaseng.” Niturukiammi ri Batara anjo pappala'na Elisa, sa'genna a'jari buta kabusu' ke'nanga.

2 KARAENG-KARAENG 6:14

Nampa nakirimmo karaeng Siria mange anjoreng se're pasukang lompo nirurungang ri jarang siagang kareta pa'bundukang. Ri wattunna bangngimo battumi ke'nanga anjoreng ri kotaya nampa nakurung.

1 KARAENG-KARAENG 8:29

Poro allo bangngi Kila'langngi anne ballaka, le'baka Kipile a'jari tampa' passambayangang mae ri Katte. Poro battu ri pammantanganTa ri suruga Kipilangngeri siagang Kipammopporanga' siagang ummatTa, punna battu ikambe ri anne ballaka untu' appala' doang ri Katte.

ZAKHARIA 12:5

Nampa lanakanamo sikamma kaluarga Yehuda lalang pa'mai'na, ‘Batara Kaminang Koasaya assarei kagassingang umma'Na ammantanga ri Yerusalem.’