ZAKHARIA 12:3 - KITTA' MATANGKASA'

³ Mingka punna ta'rapi'mo anjo alloa, laKupa'jari Yerusalem sanrapang batu battalaka; manna pole bansa battu kemae ancobai angngangkaki langgappai bala. Sikontu bansaya ri lino lanapa'jari se'rei kalenna untu' ambunduki Yerusalem.

ZAKHARIA 12:3 Referans Kwoze

MATIUS 21:44

Tau tu'guruka naung ri batua laancuruki; na tau nitujua ri batua lanijalla'-jallakkangi sa'genna a'jari limbu'bu'.]”

LUKAS 20:18

Sikamma tau tu'guruka ri anjo batua laancuruki; na inai-nai natuju anjo batua lanilissaraki sa'genna a'jari au.”

ZAKHARIA 14:6

Punna battu anjo alloa, talaniakkamo dinging yareka es.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

ZAKHARIA 12:11

Ri anjo alloa nia' karru' lompo ri Yerusalem, rapang karru' mae ri Hadad-Rimon ri Ka'bung Lappara'na Megido.

PAPPICINI' 16:14

Iaminjo ke'nanga roh-roh ja'dalaka, appareka panggaukang appakalanna'-lannasa'. A'lampami anjo tallua roh mae ri sikontu karaenga ri sikontu linoa nampa napa'rappungang ke'nanga untu' a'bundu' ri Allo lompoa, iamintu AllonNa Allata'ala Kaminang Koasaya.

ZAKHARIA 14:13

Ri anjo alloa laNapa'jari lingui Batara sikamma anjo bansa-bansaya siagang a'jari sanna' malla'na ke'nanga, sa'genna tunggala' taua lanajakkalaki aganna niaka ri sa'rinna na nabuccu'.

ZAKHARIA 12:6

Anjo alloa sikamma kaluarga Yehuda laKupa'jari rapang pepe' lalang ri pa'gompoang kayu tunua yareka sulo a'rinraya irawanganna gandung-gandung nikawarranga; lanaancuruki ke'nanga sikamma bansa-bansa niaka ri tammulilina. Mingka pandudu'na Yerusalem tuli ammantangi lalang ri kotaya siagang amang.

ZAKHARIA 12:4

Anjo alloa laKupa'jari lingu ngasengi jaranga siagang pabaena Kupa'jari pongoroki; laKujagai pandudu'na Yehuda, mingka Kupa'jari butai sikontu jaranna musunna.

HAGAI 2:22

sikamma kakaraenganga laKurumbangi siagang Kuancuru' kakoasanna ke'nanga. Kareta-kareta bundu'na siagang paeranna laKuparateangi bangkenna; sikontu jaranga lamate kabusuki siagang pabaena lamassing sibuno-bunoi.

ZEFANYA 3:19

Kuancuruki wattu labattuna tau eroka anjallakkangko, siagang tau akkeppanga Kupasalamaki; sikontu tunipelaka Kururungangi ammotere'. Katunaanna ke'nanga Kupinrai a'jari kalompoang; manna kemae, ba'lalo ri sikontu buttaya, lanipakala'biriki na nipuji ke'nanga.

HABAKUK 2:17

Nuta'bangi poko'-pokoka ri romanna Libanon, siagang kamma-kamma anne ikau kalennu lanita'bang. Nubunoi olo'-olo'na, siagang kamma-kamma anne napa'jari mallakko anjo olo'-oloka. Nakajariang kabusu' anjo kammaya lanri pammunoang siagang kapallakkang le'baka nugaukang mae ri pa'rasangang-pa'rasanganga, kota-kotaya siagang pandudu'na.

MIKHA 5:8

Israel lanabetai musu-musunna kammayatompa naancuru' kabusuki ke'nanga.

OBAJA 1:18

UmmakKu Israel larapangi pepe' angkanrei jari-jarina Esau, rapang pepe' angkanreai sa'genna cappu' raramea ri kokoa. Tena manna sitau battu ri jari-jarina Esau akkulle lata'lappasa'. INakke, Batara anne akkana!

YESAYA 60:12

Bansaya siagang kakaraengang tenaya natundu' ri kau, laancuruki siagang lalanynyaki.