ZAKHARIA 12:12 - KITTA' MATANGKASA'

^12-14 Nampa tunggala' kaluarga ri anjo pa'rasanganga massing langngarruki; kaluarga jari-jarina Daud, kaluarga jari-jarina Natan, kaluarga jari-jarina Lewi, kaluarga jari-jarina Simei, siagang sikontu kaluarga maraenga. Tunggala' kaluargaya massing-massing angngarruki, siagang sikamma tu bura'nea battu ri tunggala' kaluargaya langngarruki tassa'la' battu ri sikamma tubai'-bainea.”

ZAKHARIA 12:12 Referans Kwoze

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

ZAKHARIA 7:3

Nisuro tommi ke'nanga akkuta'nang mae ri sikamma imanga siagang sikamma na'bia kamma anne, “Maka paralluiji ikambe angkarruki kaancuranna Balla'Na Batara iamintu appuasa ri tunggala' bulang makalima sangkamma le'baka nagaukang ikambe attaung-taung sallona allaloa?”

2 SAMUEL 5:14

Ana'-ana' bura'nena nilassukanga ri Yerusalem iamintu: Syamua, Sobab, Natan, Salomo,

1 KORINTUS 7:5

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

YO"EL 2:16

Pa'rappungi sikontu ra'yaka, pabattu ngasengi sikamma ummaka. Suroi battu sikamma tau toa-toaya, ana'-anaka siagang ana'-ana' loloa pole. Ba'lalo manna sikamma bunting berua musti battu tongi. Suroi ke'nanga ambokoi kamara'na.

YEREMIA 31:18

Kulangngereki umma' Israel a'bicara lalang kapacceang, angkana, ‘O Batara, ikambe rapammi olo'-olo' tenayapa nipa'jari annabai mingka Kilati ummatTa untu' mannuruki, na kamma-kamma anne sadiami ikambe untu' ammotere' mae ri Katte. Jari, erammi ikambe ammotere', o Batara, Allata'alana ikambe.

YEREMIA 13:18

Nakana Batara ri nakke, “Suroi karaenga siagang amma'na naung battu ri empoang kakaraenganna, nasaba' anjo songko' karaeng ga'gana tu'guru'mi battu ri ulunna.

YEREMIA 4:28

Lasusai buttaya, sassang makkapuki langika. Le'ba'mi akkana Batara siagang talaNapinrayami rancanaNa. Le'ba'mi Napattantu Natappuki talammonokai manna sike'de'.

YEREMIA 3:21

Ri coppo'na bulu'-buluka nia' kalangngerang sa'ra gegere'; iaminjo sa'ranna umma' Israel angngarru' siagang appala' tojeng, lanri dorakami ke'nanga, siagang nakaluppaimi Karaeng Allata'alana ke'nanga.

2 SAMUEL 12:1

Le'baki anjo Nasuromi Batara Na'bi Natan mange angngagangi sibuntulu' Daud. A'lampami Natan mae ri ia na nakana, “Nia' rua tau ammantang lalang ri se'reang kota; anjo se'rea kalumanynyangi nampa anjo se'reanga pole kasi-asi.

KALAPPASSANG 12:30

Anjo bangngia ambangung ngasemmi tu Mesir siagang karaenga kammayatompa sikamma pagawea. Nia'mo kalangngerang sa'ra karru' lompo ri sikontu pa'rasangang Mesir. Tena manna se're balla' tu Mesir takamateang ana' bura'ne bungasa'na.

ZAKHARIA 12:11

Ri anjo alloa nia' karru' lompo ri Yerusalem, rapang karru' mae ri Hadad-Rimon ri Ka'bung Lappara'na Megido.