ZAKHARIA 12:1 - KITTA' MATANGKASA'

¹ Iaminne pasanNa Batara ri sesena Israel. LaNaka'rangi Batara langika, Napa'jari buttaya kammayatompa Nasarei katallassang rupataua, Nakana,

ZAKHARIA 12:1 Referans Kwoze

YESAYA 42:5

Karaeng Allata'ala ampa'jari siagang angka'rangi langika; Ia ampareki buttaya siagang sikamma attimboa rateanna. Nasarei rupataua nappasa' katallassang siagang nyawa. Napabattui pasang kammaya anne mae ri atanNa,

YEREMIA 51:15

Batara ampa'jari buttaya lanri koasaNa, Napareki linoa lanri kacara'dekanNa, Naka'rangi langika lanri akkala' baji'Na.

YESAYA 57:16

Tena natuli laKusalakang ummakKu; tena nauntu' situlusukKu lalarro, sollanna tena natappu' sumanga' ke'nanga, nasaba' iNakke ampattallasaki ke'nanga.

IBRANI 12:9

Nia' manggeta ri lino. Naajarakki' siagang nipakala'biriki. Jari, la'biangampa mae ri Mangge rohanita, niaka ri suruga, tantu musti la'bi tundukki' mae ri Ia sollanta attallasa'.

YESAYA 48:13

LimangKu ampadongkoki dasara'na buttaya siagang ampaka'rangi passimbanga. Punna Kukioki arenna, lintaki battu ke'nanga.

YESAYA 44:24

Kammaminne kananNa Batara Mappasalama'nu ampa'jariako baku' lalannu ri pammanakkang, “INakkemi Batara ampa'jariai yangasenna niaka, kale-kalennaya angka'rangi langika, tena ambantuA' naKupa'jari buttaya.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

YEHEZKIEL 18:4

Nyawana tunggala' taua iNakke pata, baji' nanyawana tau toana kammayatompa nyawana ana'na. Tau dorakaya, lamatei.

YEREMIA 38:16

A'janji cokko-cokkomi Karaeng Zedekia ri nakke, nakana, “Lanri arenNa Allata'ala mattallasaka, iamintu Allata'ala assareaki' tallasa', assumpa' angkanaya tena nalaKubunoko yareka tena naKupassareangko mae ri tau eroka ambunoko.”

YEREMIA 30:16

Mingka kamma-kamma anne sikontu angnga'lukako lania'lu' tongi, siagang sikontu musunnu laniengkaki mange ri butta pammelakkang. LaKujallakkangi tau anjallakkangako, laKuellaki tau angngellakako.

AYUB 26:7

Naka'rangi Allata'ala langika irateanna tamparang lompoa, nampa nagentung buttaya ri alla' tenaya bonena.

YEREMIA 10:12

Napa'jari Batara buttaya lanri koasaNa, Napareki linoa lanri kacara'dekanNa na Naka'rang langika lanri akkala' poreNa.

YESAYA 51:13

Maka lanukaluppai Batara Mapa'jarinu angka'rangai langika siagang ampadongkokai dasara'na buttaya? Angngapa nunnekkere' sila'busu' allo mae ri jallo'na lapung tumanjallakkanga sadiaya ero' angngancurukko? Sikontutojenna anjo jallo'na ke'nanga talania' pakkullena mae ri kau.

YESAYA 45:18

Batara ampa'jari langika, Iami Allata'ala! Iami ampa'jari siagang ampareki buttaya, Najarreki pare'na na tuli ammenteng. Tena Napa'jari tampa' sino, mingka a'jari tampa' untu' nipammantangngi. Iami angkana, “INakke Batara, tena pantaranganna.

YESAYA 45:12

INakkemi Batara ampa'jariai buttaya, siagang ampa'jari rupataua untu' ampammantangngi. Lanri koasaKu naKuka'rang langika, siagang amparentai mataalloa, bulanga na sikamma bintoenga.

YESAYA 40:22

Mappa'jarina ammempoi ri empoang kala'biranNa irate ri bundala'na linoa, pandudu'na buttaya ca'di nicini' rapang katimbang. Naka'rangi langika rapang kaeng, nampa Napasang rapang kema untu' nipammantangngi.

YESAYA 40:12

Inai ambakuki tamparanga siagang pala' limanna, yareka angngukkuruki allaka siagang pa'lama'na? Inai ambakuki buttaya siagang pa'baku' yareka antimbangi monconga siagang buluka ammake dacing?

PAMMUJI 104:2

akkalimbukKi' cahaya. IKatte ampaka'rangi langika sanrapang kema,

MALEAKHI 1:1

Iaminne pasanNa Batara mae ri Maleakhi, untu' napabattu mae ri umma' Israel.

ZAKHARIA 9:1

Iaminne pasanNa Batara. Le'ba'mi Napattantu untu' anghukkungi pa'rasangang Hadrakh siagang kota Damsyik. Teai poro suku-suku Israel bawang, mingka ibukotana pole Siria Napatang tongi Batara.

YO"EL 3:19

Mesir la'jari parang kalotoroki, Edom la'jari rosoki, tena tau ampammantangngi. Nasaba' le'baki nabunduki tu Yehuda, siagang nabuno pandudu'na pa'rasangang tenaya salana.

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

YEREMIA 50:34

Mingka iNakke kassa', ampasalamaki ke'nanga; arengKu iamintu Batara Kaminang Koasaya. INakke KalengKu langngusahakangi parkarana ke'nanga siagang langngerang kaamangngang mae ri linoa. Mingka mae ri Babel lappabattuA' karicuang siagang kamallakkang.”

YEREMIA 30:10

UmmakKu Israel, teako mallakki! AtangKu Yakub, teako annekkereki! Ikau siagang jari-jarinu laKupasalamakko battu ri pa'rasangang bella, tampa'nu nipela'. Lammoterekko siagang lammantangko ri pa'rasangannu siagang amang. Lasannangko lalang tallasa'nu; tena parallu nukamallakkang.

AYUB 37:18

Maka akkulleko sangkamma Allata'ala ampabantangi langika siagang ampa'jari terasaki sangkamma bassi nibajaka yareka kacaya?

PA'JARIANG 1:8

Naaremmi anjo pannahanga “Langi'”. Allalomi bangngia nabattumo bari'basaka. Iaminjo allo makaruaya.

PAMMUJI 134:3

Poro nibarakkaki ngasengko battu ri Sion ri Batara, Mappa'jaria langi' siagang lino!