ZAKHARIA 10:3 - KITTA' MATANGKASA'

³ Nakana Batara, “Sanna' larroKu mae ri tukoasa ammarentaya ri ummakKu, siagang laKuhukkungi ke'nanga. Mingka pandudu'na Yehuda iNakke ampatangi, siagang iNakke, Batara Kaminang Koasaya lamparakai ke'nanga. LaKupa'jari ke'nanga rapang jarang pa'bundukang makassaka untu' iNakke.

ZAKHARIA 10:3 Referans Kwoze

YEHEZKIEL 34:2

“He tau, callai sikamma karaeng Israel, siagang pabattui apa Kupaua, iNakke, Batara Kaminang Tinggia mae ri ke'nanga angkana, ‘Cilakako, he sikamma pakalawakinna Israel. Sangnging kaparalluang kalennu bawang nunawa-nawa, teai kaparalluanna sikamma gimbala'nu.

ZAKHARIA 11:17

Nitunraimi anjo pakalawaki tenaya matu-matunna! Nabokoimi pa'rappunganna gimbala'na. Lanipa'le'baki kakoasanna ri pa'bundukanga. La'jari lammai paling-palinna siagang la'jari butai mata kananna.”

ZEFANYA 2:7

Pandudu'na Yehuda akkullea ta'lappasa' lanaempoi anjo daeranu. Lakkalawaki olo'-olo' ke'nanga anjoreng ri tampaka, siagang punna bangngi latinroi ke'nanga ri balla'na tu Askelon. Nasaba' Batara, iamintu Allata'alana ke'nanga, lanjagai pole ke'nanga siagang laNapa'jari ke'nanga akkalumanynyang poleang.

YEREMIA 25:34

He pamimping-pamimpinga, he sikamma pakalawaki umma'Na Batara! Angngarru' lompoko! Anggulung-gulungko lalang ri aua, nasaba' narapi'mi wattunnu nibuno, siagang ia ta'lappasaka lanipasisa'la'-sa'laki. Lasanrapangko bongki lompoa anggaranna tu'guru' na reppe'.

PANGNGEBARANG 21:31

Manna pole nipa'langka' pa'bundukanga siagang jarang pa'bundukang, mingka ampattantuai pammetanga iamintu Batara.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

RUT 1:6

Siapa are wattu ribokoanganna, nalangngere' kabara'mi Naomi angkanaya nibarakkakimi umma' Israel ri Batara, na baji'mo wassele' lamung-lamunna ke'nanga. Lanri kammana, apparurumi Naomi siagang anjo ruaya ana' mintunna untu' ambokoi Moab.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

ZEFANYA 1:8

“Ri anjo allo pammunoanga, laKuhukkungi sikamma tumalompoa, sikamma ana' bura'nena karaenga, siagang sikontu tau anturukiai cara-cara katallassanna bansa maraenga.

YEREMIA 50:6

UmmakKu rapangi gimbala' le'baka nilappassang lingu ri monconga ri pakalawakinna. Pitilampa-lampaimi ke'nanga battu ri moncong se'rea mange ri moncong maraenga siagang tanaassengami angkana kemae balla'na ke'nanga.

YEREMIA 25:12

Le'baki anjo laKuhukkungi bansa Babel siagang karaenna lanri dosana ke'nanga. LaKuruntungi pa'rasangang Babel siagang Kubalang parekangi ancuru' sa'genna satunggu-tungguna.

YEREMIA 11:22

Lanri kammana anjo, Nakanamo Batara Kaminang Koasaya, “LaKuhukkungi ke'nanga! Sikamma tau rungkana ke'nanga lamatei lalang pa'bundukang, lamate cipuruki ana'-ana'na ke'nanga.

YEREMIA 10:21

Appialima' angkana, “Dongoki anjo pamimping-pamimpinta. Tena nappala' pitunju' ke'nanga mae ri Batara, iaminjo saba'na nasalasa ke'nanga, siagang kinipasiara'mo ri kere-keremae.

YESAYA 24:21

Anjo wattua laNahukkungi Batara sikamma tukoasaya ri sikontu linoa siagang sikamma karaenga ri buttaya.

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

KELONG MALA'BIRI' 1:9

Tanringku, ikau rapang jarang gana ambesoki karetana karaeng Mesir.

YEHEZKIEL 34:12

sangkamma sitau pakalawaki amboyai siagang ampa'rappungi sikamma gimbala'na tassiaraka nampa naparakai ke'nanga. LaKuerangi ke'nanga ammotere' battu ri sikontu tampa'na tassiara' ri anjo allo sassanga siagang battuna balaya.

DANIEL 11:32

Na lanri akkala' balle-ballena anjo karaenga lananyonyoki sikamma tau a'bokoamo battu ri anjo agamaya, sollanna nibantu ri ke'nanga. Mingka sikamma tau mappilangngeria ri Allata'ala barani angngewai.

AYUB 39:25

Akkassumi punna assa'ra tarompeka battu bellai naara' rasanna pa'bundukanga. Nalangngereki sa'ra lompona sikamma perwiraya ri wattunna assare parenta ke'nanga.

YEHEZKIEL 34:11

Nakana Batara Kaminang Tinggia, “KalengKu lamboyai sikamma gimbalakKu siagang amparakai ke'nanga,