ZAKHARIA 1:15 - KITTA' MATANGKASA'

¹⁵ Mingka sanna' larroKu mae ri bansa-bansa nakanaya amang siagang sannang pakkasia'na. Nasaba' ri wattunna Kutahang larroKu mae ri ummakKu, anjo bansa-bansaya pila' natambai sessana ummakKu.

ZAKHARIA 1:15 Referans Kwoze

YEREMIA 51:24

Nakana Batara, “Kalennu anciniki kamma-kamma anne antekamma batena Kubalasa' mae ri Babel siagang pandudu'na sikontu kaja'dallanna ke'nanga, iamintu nagaukanga mae ri Yerusalem.

YESAYA 54:8

Sinampe'jA' anggilingi rupangKu battu ri kau lanri sanna'na larroKu. Mingka Kukamaseangko siagang pangngamaseang mannannungang.” Kammaminjo kananNa Allata'ala Mappasalama'nu.

ZAKHARIA 1:11

A'laporo' ngasengi anjo jaranga mae ri malaekaka angkana, “Le'ba'mi ikambe a'jappa alla'bang ri sikontu tompo'na buttaya, nama'nassa angkanaya anne linoa sannangi siagang amangi.”

ZAKHARIA 1:2

Naparentakangi Batara mae ri nakke untu' akkana kamma anne mae ri umma'Na, “Ri jammang allaloa, iNakke, Batara Kaminang Koasaya, sanna' larroKu mae ri boe-boenu.

PAMMUJI 69:26

Boli'mi kamma a'jari sino sikali kemana ke'nanga, siagang tenamo bonena kema-kemana ke'nanga.

AMOS 6:1

Cilakako ikau ngaseng attallasa' nyamanga ri Sion, siagang amanga pakkasia'na ri Samaria – ikau ngaseng he pamimpinna tau jaia ri anne Israel porea, ikau ngaseng sarroa nibattui ri ra'yaka untu' nipappalakki pannulungang!

YEHEZKIEL 26:2

“He tau, a'rannu-rannui pandudu'na Tirus na nakana, ‘Ancuru'mi Yerusalem! Lanynya'mi kagassinganna lalang ri pa'dangganganga! Tenamo niagang a'bali lalang pa'danggangang!’ ”

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

PAMMUJI 123:4

Sukku'mi batena ikambe nicau-cau ri tukalumanynyanga, siagang nitoa-toai ri tau borroa.

ZAKHARIA 6:8

Nampa akkio' anjo malaekaka mae ri nakke angkana, “Anjo jarang a'lampaya mange ri Babel napanaummi larroNa Batara.”

AYUB 30:13

Napolongi ke'nanga oloangku untu' ampanrakia'; manna sitau tania' anrompai ke'nanga ri wattungku nabakkai.

YEREMIA 30:16

Mingka kamma-kamma anne sikontu angnga'lukako lania'lu' tongi, siagang sikontu musunnu laniengkaki mange ri butta pammelakkang. LaKujallakkangi tau anjallakkangako, laKuellaki tau angngellakako.

YEREMIA 50:33

Nakana Batara Kaminang Koasaya, “Nijallakkangi tu Israel siagang tu Yehuda. Sikontu tau antahangai ke'nanga, najagai bajiki siagang taerokai allappassangi ke'nanga.

HABAKUK 3:12

Lalang larroTa naKijappai sikontu buttaya; bambang nyawaTa angngonjo'-onjokangi bansa-bansaya.

ZAKHARIA 14:12

LaNapabattui Batara garring appakamalla'-mallaka mae ri sikontu bansa le'baka a'bundu' angngewai Yerusalem. Matanna siagang lilana ke'nanga, ba'lalo sikontu batangkalenna la'jari bottoki lalang attallasa'na ija ke'nanga.