ZAKHARIA 1:1 - KITTA' MATANGKASA'

¹ Ri bulang makasagantuju lalang taung makarua ammarentana Karaeng Darius ri Persia, Napabattui Batara anne pasanga mae ri nakke, Na'bi Zakharia ana'na Berekhya cucunna Ido.

ZAKHARIA 1:1 Referans Kwoze

LUKAS 11:51

Iamintu pammunoang appakkaramulaya battu ri Habel sa'genna Zakharia, le'baka kajariang ri ampi'na pakkoro'bangnganga siagang Balla'Na Batara. Patappa'mi angkanaya: Passabakkang yangaseng minjo namattantumo lanihukkunna ngaseng anne taua ri anne jammanga.

MATIUS 23:35

Jari lanihukkung ngasengko sallang, lanri nubunona tau tenaya salana: Appakkaramula ri nibunona Habel tenaya salana, sa'genna nubunona Zakharia ana'na Berekia lalang ri alla'na Balla'Na Batara siagang tampa' pakkoro'bangnganga.

ZAKHARIA 7:1

Ri tanggala' appa' bulang Kislew, iamintu bulang salapang, lalang taung makaappa' ammarentana Karaeng Darius, Nasarema' pole pasang Batara.

ZAKHARIA 1:7

Ri tanggala' ruampulo angngappa' bulang Syebat, iamintu bulang sampulo asse're, lalang taung makarua ammarentana Karaeng Darius, Napabattui pasanNa Batara mae ri nakke. Lalang se're paccini' ri wattunna bangngi,

EZRA 4:24

Nipammarimi nijama pambangunanna Balla'Na Batara ri Yerusalem siagang tenamo nanipannarrusuki sa'genna ri makaruang taunna ammarenta Darius, karaeng Persia.

HAGAI 2:10

Ri tanggala' ruampulo angngappa' bulang salapang, lalang ri taung makarua ri pamarentahanna Karaeng Darius, a'bicarami pole Batara Kaminang Koasaya mae ri Na'bi Hagai.

HAGAI 1:1

Ri taung makarua pamarentahanna Karaeng Darius ri Persia, ri tanggala' se're bulang makaannang, a'bicarai Batara tete ri Na'bi Hagai. Anjo pasanNa Batara nipatujui mae ri Zerubabel ana'na Sealtiel, guburnur Yehuda, siagang mae ri Imang Lompoa Yosua ana'na Yozadak.

HAGAI 2:20

Ri anjo memang alloa, iamintu ri tanggala' ruampulo angngappa' bulang salapang, assaremi Batara pasang makarua mae ri Hagai,

HAGAI 1:15

Appakkaramulami ke'nanga anjama ri tanggala' ruampulo angngappa' bulang annang, ri taung makarua ri wattu pamarentahanna Karaeng Darius.

EZRA 5:1

Anjo wattua nia' rua na'bi, iamintu Hagai siagang Zakharia ana'na Ido, appakkaramulami a'bicara ampabattui lalang arenNa Allata'alana Israel mae ri tu Yahudi ammantanga ri Yehuda siagang ri Yerusalem.

ZAKHARIA 6:9

Napassareangi Batara anne pasanga mae ri nakke.

HAGAI 1:3

Nampa tete ri Na'bi Hagai Nakanamo Batara mae ri umma'Na,