YUNUS 4:8 - KITTA' MATANGKASA'

⁸ Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

YUNUS 4:8 Referans Kwoze

YUNUS 4:3

Kamma-kamma anne, o Batara, boli'ma' kamma mate, nasaba' bajikangnganga' matea naia attallasaka.”

YEHEZKIEL 19:12

Mingka nibi'buki ri lima-lima larroa, nampa nipela' naung ri butta. Ammiriki anging battu iraya angkalotori rappo baji'na. Tepoki tangkenna, a'jari kalotoro' nampa nitunu.

PAMMUJI 121:6

Tena nulagarring lanri mataallo ri wattu singara', yareka lanri bulang ri wattu bangngi.

PAPPICINI' 7:16

Tena nalanakasia' ke'nanga nikanaya cipuru' yareka turere; tenamo nalanibambangi ke'nanga ri matanna alloa yareka ri bambanga;

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

YUNUS 1:17

Lalanna anjo wattua appabattumi Batara sikayu juku' sannaka lompona angnga'luki Yunus. Jari ammantammi Yunus lalang ri battanna anjo jukuka tallu allo tallu bangngi.

YUNUS 1:4

Naungi Yunus ri tampa' kaminang irawaya nampa anra'ba anjoreng, sa'genna jannang tinrona. Nampa appabattu Batara anging lompo naung ri tamparanga, sa'genna lompo bombanga antunrungi anjo kappalaka a'biring niancuru'. Teaimi sipato' malla'na ana' kappalaka siagang akkiok-kio'mi ke'nanga appala' tulung, massing-massing mae ri rewatana ke'nanga. Sollanna tena natallang kappalaka, napela'mi sipa'gang luranna kappalaka antama' ri tamparanga.

KELONG MALA'BIRI' 1:6

Teako parhatikangngi bukkuleng le'lengku, lanri nitaba' ri bambang allo. Larro ngasengi sikamma daengku ri nakke, kunasuro anjama ri koko anggoro'; tena kusawe angngurusuki kalengku.

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

AYUB 2:10

Appialimi Ayub angkana, “Sangkammako tau dongoka a'bicara! Masa' bajikaji bawang ero' nitarima battu ri Allata'ala, nampa kodia lanitollaki?” Jari, manna pole nanituju Ayub ri sikontu anjo balaya, mingka tena nappasulu' kana-kana ambaliangi Allata'ala.

1 SAMUEL 3:18

Nampa napau ngasemmo Samuel mae ri Eli. Tena manna se're nacokkoi. Nampa nakanamo Eli, “Iami Batara, boli'mi kamma Nagaukang apa Nakanaya baji'.”

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

MATIUS 20:12

Nakana ke'nanga, ‘Pajama ri boko dudua sitette'ji anjama. Na ikatte sila'busu' alloki' nabambangi allo anjama, mingka kipasangkammaji kipa'gajianga ri ke'nanga siagang ri kambe anne!’

1 KARAENG-KARAENG 19:4

nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

HOSEA 13:15

Manna pole coppong bansa Israel rapang ruku' coppong, mingka lappabattuA' anging bambang battu iraya ri parang lompoa. Anjo anginga lampakalotoroki sikontu timbuseng je'neka siagang bungunga, sa'genna lanynya' kabusu'mo apa-apa niaka anggaranna.

YUNUS 4:9

Mingka Nakana Allata'ala ri ia, “Tena nusiratang si'na kamma anjo passabakkang anjo lamung-lamunga!” Appialimi Yunus angkana, “Angngapa natena? Siratanga' larro sikali sa'gengku mate.”

PA'JARIANG 41:6

Se're tangke napattimboi anjo bulereka. Nampa attimbomo pole tuju bulere' gandung maraeng, sannaka ngaseng roso'na, siagang opai napakamma anging parang.

1 KARAENG-KARAENG 21:4

Lussa'mi siagang larromi pa'mai'na karaenga nalangngere'na anjo kananna Nabot ri ia. Ammotere'mi nampa anra'ba ri katinroanna taeroka assaile siagang taerokai angnganre napakamma.

AYUB 7:15

Sa'genna kungaiangngang niaccekanga kunampa mate kala attallasaka lalang anne kapa'risanga ri kalengku.

KATO'BA 7:9

Teako linta' dudu larro; tau toloaji bawang ammoli' larro.