YUNUS 3:10 - KITTA' MATANGKASA'

¹⁰ Nacini'mi Allata'ala panggaukanna ke'nanga; Naciniki angkanaya nabokoimi ke'nanga panggaukang ja'dala'na. Jari Napinrami kaputusanNa, siagang tanjariami Nahukkung ke'nanga.

YUNUS 3:10 Referans Kwoze

YEREMIA 18:8

nampa toba' anjo bansaya battu ri dosana, laKupaonoki anjo pattujungKu.

LUKAS 15:20

Le'baki akkana kamma lalang ri nyawana, ammotere'mi anjo anaka mae ri manggena. Bella iji battu ri balla'na nicini'mi ri manggena. Larimi battu manggena ambuntuli nampa naraka' siagang nabau, napakamma sanna' rannuna nyawana.

AMOS 7:6

Napinrami pole rancanaNa Batara siagang Nakana, “Anne pole tena todong nalakajariang.”

LUKAS 11:32

Ri allo kiamaka sallang, lambangummi nai' tau niaka ri Niniwe siagang taua ri anne jammanga, ansalakangi ke'nanga nasaba' ri wattunna akkato'ba Yunus mae ri taua ri Niniwe, toba'mi ke'nanga battu ri dosa-dosana. Mingka kamma-kamma anne, siagang anrinni ri tampaka nia'mi lompoanganga na Yunus!”

KALAPPASSANG 32:14

Jari Napinrami Batara pattujunNa siagang ta'jariami Nagaukang anjo bala laNapabattua mae ri anjo bansaya.

AMOS 7:3

Napinrami rancanaNa Batara siagang Nakana, “Anjo apa nucinika tena nalakajariang.”

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

YUNUS 4:2

Nampa appala' doang nakana, “O Batara, sai le'ba'mi kupau ri tenanapa ku'lampa ri ballakku pirangalloang, angkanaya tantu laKigaukanna anne kammaya? Iaminjo saba'na nakutulusu' lari mange ri Spanyol! Kuassengi angkanaya iKatte Allata'ala assayang siagang angngamaseang, la'bu ri sa'bara', lamma siagang alusu' pa'mai', siagang tuli sadiaKi' untu' ampinrai rancanaTa anghukkung.

1 PATTOTTORANG 21:15

Nampa nia'mo malaeka' Nasuro Batara angngancuruki Yerusalem. Mingka ri wattunna battumo anjo malaekaka ri ampi'na panggilingang gandunna Arauna tu Yebus, Napinrami Batara kaputusanNa untu' anghukkungi anjo bansaya. Nakanamo ri anjo malaekaka, “Angganna'mi! Sudamo!”

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

YEREMIA 36:3

Gassingka lammariji tu Yehuda a'gau' ja'dala' punna nalangngere' ke'nanga passala'na sikontu bala laKupabattua mae ri ke'nanga. Jari akkullei laKupammopporang dosana siagang kaja'dallanna ke'nanga.”

YEREMIA 42:10

‘Punna erokko tuli ammantang anrinni ri pa'rasanganga, laKuangkakko, tena nalaKutu'gurangko; laKupaentengko nai', tena nalaKura'bako. Sanna' si'nana nyawaKu lanri Kupabattuna balaya mae ri kau.

YUNUS 4:11

Maka tena nalasi'na nyawaKu ampikkiriki Niniwe, anjo kota lompoa. Nasaba' pantaranganna olo'-olo' tenaya nakkulle nibilang jaina anjo, anjoreng nia' todong tau la'bi ri 120.000 ana'-ana' tenayapa naissengi ampasimmaraengi apa bajika siagang apa ja'dalaka.”

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

YEREMIA 18:7

Punna ri se'reang wattu Kupattantui Kupasinta', Kuruntung siagang Kuancuru' se'rea bansa yareka kakaraengang,