YUNUS 2:10 - KITTA' MATANGKASA'

¹⁰ Nampa lanri parentaNa Batara, anjo jukaka nalangngeammi Yunus nai' ri bontoa.

YUNUS 2:10 Referans Kwoze

PAMMUJI 33:9

Saba' akkanaji bawang, na'jarimo yangasenna; ammarentaji bawang, nania'mo yangasenna.

YUNUS 1:17

Lalanna anjo wattua appabattumi Batara sikayu juku' sannaka lompona angnga'luki Yunus. Jari ammantammi Yunus lalang ri battanna anjo jukuka tallu allo tallu bangngi.

YESAYA 50:2

Angngapa namanna sitau ummakKu tania' appiali, wattungKu battu angkioki ke'nanga? Maka a'mereki ke'nanga lanri nakapangi angkana takkulleA' allappassangi siagang ampasalamaki ke'nanga? Sikontutojenna, lanri parentaKu na'jari kalotoro' tamparanga, sikamma binangaya Kupa'jari parang lompo, sa'genna mate ngaseng jukuka na'rasa parru.

PA'JARIANG 1:3

Nakanamo Allata'ala, “A'jariko singaraka!” Nampa nia'mo singaraka.

PAMMUJI 105:34

Lanri parentaNa, battui katimbanga, teai sipato' jaina, takkulleai nirekeng jaina.

PAMMUJI 105:31

Lanri parentaNa Allata'ala battumi katingaloa, siagang sikamma lamuka angkatulungi anjo sikontu pa'rasanganga.

PA'JARIANG 1:14

Nampa Nakana Allata'ala, “Kuerokangi nia' apa-apa singara' ri langika untu' ansingari buttaya, untu' ampasisa'laki singaraka siagang bangngia, siagang untu' ampa'nassai wattu pakaramulana alloa, taunga, siagang allo lompona agamaya.” Nakajariammo anjo passalaka.

PA'JARIANG 1:11

Nakanamo pole Allata'ala, “Kuerokangi anjo buttaya appatimboi sangka' rupa poko'-poko', iamintu appa'niaka wassele' rappo-rappoang a'lisereka siagang rappo-rappoang maraengannaya.” Kajariammi anjo passalaka.

PA'JARIANG 1:9

Nampa Nakana Allata'ala, “Kuerokangi na'lo'loro' je'ne' niaka irawanganna langika mange ri se'reang tampa', sollanna kacinikang buttaya.” Nakajariammo anjo passalaka.

YUNUS 3:1

Untu' makapinruanna Batara a'bicara mae ri Yunus.

PAMMUJI 22:26

Ri tangnga-tangngana passe'reanna ummaka mammujia' mae ri Katte, lanri sikontu apa le'baka Kigaukang. Ri dallekang umma' mappilangngeria kupassareang koro'bang le'baka kupa'janjiang.

YESAYA 38:20

Batara, iKatte ampamollea', jari makkelommi ikambe mammuji ri BallatTa akko'bi' kacapi, lalang sikontu tallasa'na ikambe.”

YESAYA 43:11

INakke Kale-kalengKu Batara, pantaranganna iNakke tena appasalama'.

HOSEA 13:4

Nakana Batara, “INakke Karaeng Allata'alanu, le'baka angngerangko assulu' battu ri Mesir. Tena Allata'ala maraeng pantaranganna iNakke. INakkemi se're-se'rea ampasalamakko.

HOSEA 14:3

Ammotere' mako mae ri Batara, pabattumi anne pappala' doang salaku panynyombannu ri Ia angkana, “O Batara, pammopporangi dosana ikambe, siagang Kitarima laloi anne pappala' doanna ikambe, namammuji ikambe mae ri Katte situru' kana janjinna ikambe.