YUNUS 1:7 - KITTA' MATANGKASA'

⁷ Wattunna nai'mo Yunus siagang anjo juraganga, massing nakanamo para ia anjo ana'-ana' kappalaka, “Umba nanigoccangi arenga sollanna naniassengi angkana inai sala sa'genta nituju ri anne balaya!” Nagoccammi arenna ke'nanga, na arennamo Yunus nai'.

YUNUS 1:7 Referans Kwoze

PANGNGEBARANG 16:33

Untu' angngassengi sarenna, ammuangi taua campalle', mingka ampattantuai kale'bakkanna, Bataraji bawang.

YOSUA 7:10

Appialimi Batara ri Yosua angkana, “Ambangungko nai'! Tena matu-matunnu su'ju' kamma antu ri buttaya!

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

LAMPA-LAMPANA 13:19

Tuju bansa maraeng nabeta Nabunduki ri butta Kanaan. Nampa Nabage-bage Allata'ala anjo butta Kanaan mange ri bansa Israel, sollanna nakammai anjo buttaya.

MATIUS 27:35

Nampa nasalli' ke'nanga Isa. Na nabotorimi pakeanNa ero' nabage massing tawana.

PAMMUJI 22:18

Sikontu buku-bukungku akkullei kirekeng, nacinikia' musungku sanrapang cini'-cinikang.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

AYUB 10:2

O, Allata'ala, teaKi' salakangia' inakke; Kipisingarianga' angngapa na inakke Kibaliang.

ESTER 3:7

Ri makasampulona anrua taung ammarenta Karaeng Ahasyweros, ri bulang se're, iamintu niarenga bulang Nisan, assuro cini'mi allo Haman, iamintu nasuro goccangi anjo nikanaya “purim”, untu' angngassengi angkanaya allo apa siagang bulang siapa nacoco' nagaukang anjo pikkirang ja'dala'na. Nipattantumi angkana tanggala' sampulo antallu, bulang sampulo anrua, iamintu niarenga bulang Adar.