YUNUS 1:14 - KITTA' MATANGKASA'

¹⁴ Lanri kammana anjo akkio'mi ke'nanga ri Batara angkana, “O Batara, napalaki ikambe, tea' laloKi' panraki ikambe lanri niallena nyawana tau tenaya gau' salana mae ri kambe. O Batara, Kigaukangi apa Kikaerokia.”

YUNUS 1:14 Referans Kwoze

PAMMUJI 115:3

Allata'alata niaki ri suruga, Nagaukangi apa Nakaerokia.

PAMMUJI 135:6

Nagaukangi apa Nakaerokia, ri langi' siagang ri butta, ri tamparang siagang ri tamparang lompo sannaka lantanna.

PAOLE 21:8

O, Batara, Kipammopporangi Israel ummatTa Kilappassanga battu ri Mesir. Kipammopporangi ikambe, siagang teaKi' naikambe Kibattalli ri passabakkang nibunona anne tau tenaya nasala.’

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

PAMMUJI 107:28

Lalang kasusaanna ke'nanga akkioki mae ri Batara, na Ia ampakabebasaki ke'nanga battu ri kasukkaranga.

MATIUS 11:26

Iaminjo ampakasannangi atinTa.”

YUNUS 1:16

A'jari sanna'mi malla'na anjo sikamma ana' kappalaka mae ri Batara, siagang ri wattunna battu ke'nanga ri bontoa, assaremi ke'nanga koro'bang siagang a'rupa-rupami passala' napa'janjiang mae ri Batara.

EFESUS 1:9

Lanri ero' KalenNa, Napauang maki' rahasiana jama-jamang eroka Nagaukang; le'ba'mi Napattantu angkanaya anjo jama-jamanNa laNapa'le'baki sallang lalang ri KalenNa Almasi.

LAMPA-LAMPANA 28:4

Nacini'na tuma'buttaya anjoreng ri anjo puloa ta'gentung anjo ularaka ri limanna Paulus, massing nakanamo ke'nanga, “Ma'nassa pabuno tau anne taua. Nasaba' manna pole ta'lappasa'mi battu ri bahaya ri tamparanga, mingka tena nikellai attallasa' ri Dewi Kaadelanga.”

YESAYA 26:16

Le'ba'mi Kihukkung ikambe; lalang ri kasukkarrang a'gilingi ikambe mae ri Katte, siagang appala' doang mae ri Katte, o Batara.

PA'JARIANG 9:6

Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

YUNUS 1:13

Mingka napikulle-kullei iji sikamma ana' kappalaka ambisei anjo kappalaka mange ri bontoa. Mingka pila' a'jallo'ji bombanga, sa'genna tena matu-matunna usahana ke'nanga.

YUNUS 3:8

Rupataua siagang olo'-oloka musti ammakei kaeng karung. Salaku tanra assesse' lalang sikontu taua musti appala' doang tojeng-tojengi mae ri Allata'ala. Musti napakabajiki ke'nanga panggaukang ja'dala'na siagang panggaukang dosana.