YUDAS 1:9 - KITTA' MATANGKASA'

⁹ Manna kalenna Mikhael, iamintu kapalana malaekaka, tale'bakai a'gau' kamma anjo. Ri wattunna a'besere' siagang Billisika passabakkang inai langgappai maya'na Musa, tena nabarani Mikhael angngadeli siagang bicara hina Billisika. Angkanaji bawang Mikhael, “LaNapakainga' lompoko Batara!”

YUDAS 1:9 Referans Kwoze

ZAKHARIA 3:2

Nakana malaeka'Na Batara mae ri Setanga, “Poro nihukkung laloko ri Batara, Setang! Poro nihukkung laloko ri Batara mangngarimangngia ri Yerusalem. Anne taua sanrapangi polong kayu nibesoka battu ri pepe' a'rinraya.”

2 PETRUS 2:11

Sa'dangkang malaeka'-malaeka' la'bi gassinganga siagang makoasanganga na anjo guru-guru takontutojenga takkana kamma antuntuki apa mala'birika katallassanna ri dallekanNa Batara.

PAPPICINI' 12:7

Nampa a'jarimo pa'bundukanga ri suruga. A'bundu'mi Mikhael siagang malaeka'-malaeka'na angngewai anjo nagaya. Nangngewamo anjo nagaya, nibantu ri malaeka'-malaeka'na todong, angngewai Mikhael.

DANIEL 12:1

Nakanamo pole anjo malaeka' ammakea pakeang lenang, “Ri anjo wattua lammumbai malaeka' lompoa iamintu Mikhael pajagana bansanu. Nampa lania' wattu kasukkarang tenaya sanrapanna baku' nia'na bansa-bansaya. Mingka sikontu tau battua ri bansanu, ia niaka tattulisi' arenna lalang ri kitta'Na Allata'ala, lanipasalamaki.

PAOLE 34:6

Nitarawammi ri Batara ri se'reang ka'bung ri Moab, ri ba'leanna kota Bet-Peor, mingka sa'genna anne alloa tena tau angngassengi angkana kemae jera'na.

DANIEL 10:13

Malaeka' pajagana kakaraengang Persia naewa' nia' ruampulo asse're allonna. Nampa Mikhael, kalase'renna pamimping malaekaka, battu antulunga'. Kubokoimi anjoreng, ri Persia.

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

1 TESALONIKA 4:16

Punna sallang naung KalenNa Isa battu ri suruga, lakkio' lompoi malaeka' lompoa siagang lanipasa'rai tarompe'Na Allata'ala untu' a'jari pammatei. Nampa nipabangung la'bi riolo tu Karistenga.

MARKUS 15:29

Sikamma tau niaka numalo anjoreng napammenggong-menggongi ulunna, siagang nahina-hinai Isa angkana, “He, iKaumi eroka anrumbangi Balla'Na Allata'ala nampa Nupabangung poleang ri makatalluna alloa.

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

1 PATTOTTORANG 12:17

Nibuntulimi ke'nanga ri Daud na nakana, “Punna battuko mae salaku agang untu' ambantua', a'gabung mako siagang inakke. Rannui pa'maikku antarima ngasengko. Mingka punna ero' ngasengko ambalianga' untu' musungku, manna tena kasalangku mae ri kau ngaseng, Allata'ala nasombaya boe-boeta angngassengi, Iami langhukkung ngasengko.”