YUDAS 1:10 - KITTA' MATANGKASA'

¹⁰ Mingka napakka'-pakkanaimi siagang nahinami ke'nanga sikontu anjo apa-apa tanapahanga ke'nanga. Sanrapangi ke'nanga olo'-olo' tenaya pikkiranna, iamintu pakkasia'naji bawang napake untu' angngassengi apa-apaya. Mingka passabakkang iatommi anjo apa-apa kammaya naancuru' ke'nanga.

YUDAS 1:10 Referans Kwoze

2 PETRUS 2:12

Mingka anjo guru-guru takontutojenga, teai sipato'! Sanrapang mami ke'nanga olo'-olo' nianakkanga untu' lanijakkala' siagang lanibunoa bawang. Tappikkirai ke'nanga, passangalinna kaerokang nyawanaji naturukiang. Sa'genna napakkanaimo ke'nanga apa-apa tanapahanga siagang kana-kana pahinaya. Lanri kammana, laposso' tommi ke'nanga sanrapang olo'-olo' sekkeka, passabakkang panggaukanna tonji ke'nanga.

ROMA 2:14

Tanaassengai bansa-bansa maraenga hukkung agamana tu Yahudia. Mingka punna lanri ero' kalenna ke'nanga nanagaukang anjo napassuroanga anjo hukkunga, atinna tommi ke'nanga a'jari hukkung mae ri kalenna ke'nanga, manna natanaassenga ke'nanga hukkung agama Yahudia.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.