YOSUA 9:7 - KITTA' MATANGKASA'

⁷ Mingka nakana ngasemmo tu Israel, “Untu' apa namusti appare' parjanjiang ikambe siagang ikau ngaseng? Gassingka ambaniji anrinni pammantangannu!”

YOSUA 9:7 Referans Kwoze

YOSUA 11:19

Battu ri sikontu kota-kota niaka ri anjo daeraya, tena manna se're kota appare' parjanjiang passari'battangang siagang tu Israel, pantaranganna Gibeon, kotana bansa Hewi. Sikontu kota maraenga nibetai lalang pa'bundukang.

HAKING-HAKING 2:2

Jari takkulleako appare' passikko' passijanjiang siagang tau niaka ammantang anrinni ri pa'rasanganga. Sikamma tampa' pakkoro'bangnganna ke'nanga musti nurumbangi'.’ Mingka tena nugaukangi anjo apa Kupassuroanga. Ba'lalo ta'bale'na nugaukanga!

YOSUA 9:1

Tassiaraki anjo kabara'-kabara' pammetanna tu Israel sa'genna mae ri sikontu karaeng niaka ilaukanna Binanga Yordan, iamintu niaka ri daera pa'monconganga, ri bangkenna monconga, ri lappara' a'la'bua ri birinna Tamparang Tangngaya sa'genna mange ri Moncong Libanon bellana ri bageang wara'; kammayatompa karaeng-karaeng tu Het, tu Amori, tu Kanaan, tu Feris, tu Hewi siagang karaenna tu Yebus.

PAOLE 20:16

Mingka punna anjo kotaya niaki lalang ri daera Napassareanga Karaeng Allata'ala mae ri kau, sikontu pandudu'na musti nibunoi.

PAMMILANGNGANG 33:52

musti nubongkai sikontu pandudu'na anjo pa'rasanganga. Ancuru' ngasengi sikontu barhalana ke'nanga battua ri batu siagang bassi-bassiang kammayatompa tampa'-tampa' ibadana ke'nanga.

KALAPPASSANG 34:12

Teako appareki parjanjiang siagang sikamma tau niaka anjoreng ri pa'rasangang nubattuia, nasaba' anjo kammaya akkullei a'jari sikko' angngerangako mae ri kamateanga.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

PA'JARIANG 34:2

Ri wattunna nicini' Dina ri Sikhem, iamintu ana'na Hemor tu Hewi, a'jari karaenga ri anjo daeraya, nalariammi Sikhem anjo tuloloa, nampa napassa nagau' sala.

PA'JARIANG 10:17

tu Hewi, Arki, Sini,

HAKING-HAKING 3:3

Ia bansa-bansa niaka ija ammantang ilalang ri limaya kotana Filistin, sikontu bansa Kanaan, bansa Sidon siagang bansa Hewi ammantanga ri moncong-monconna Libanon appakkaramula battu ri Moncong Baal-Hermon sa'genna mange ri agang a'lampa mangea ri Hamat.

KALAPPASSANG 23:22

Punna mannurukiko ri ia siagang nugaukang sikontu Kuparentakanga, iNakke la'bundu' angngewai sikontu musunnu.

2 SAMUEL 24:7

Battu anjorengi ke'nanga nampa a'lampa timboro' mange ri Tirus iamintu kota niaka pattahanganna. Situlusu'na a'lampami pole ke'nanga mange ri sikontu kotana tu Hewi siagang tu Kanaan, nampa kala'busanna mange ri Bersyeba, bageang timboranna Yehuda.