YOSUA 8:4 - KITTA' MATANGKASA'

⁴ siagang naparentakang kamma anne mae ri ke'nanga, “Accokkoko anjorenganna anjo kotaya, mingka teako bella dudu; siagang sadiako untu' a'bundu'.

YOSUA 8:4 Referans Kwoze

HAKING-HAKING 20:29

Nalangngere'na anjo pappialinNa Batara, naboli'mi tu Israel tantarana ri tampa'-tampa' taccokkoa ri ampi'na Gibea.

LAMPA-LAMPANA 23:21

Mingka teaki' turukiangi pappala'na ke'nanga, nasaba' nia' tau la'bi patampulo accokko ero' anruppai Paulus ri aganga. Le'ba' ngasemmi ke'nanga assumpa angkanaya talangnganreai siagang talangnginungai ke'nanga punna tanabunoapi Paulus. Kamma-kamma anne sadia memammi attayang ke'nanga; kabara' pappialinta mami natayang ke'nanga.”

KATO'BA 9:16

Jari, annabami panggappaku angkanaya la'biangngangi kacara'dekanga na kagassinganga. Mingka manna nakamma, kacara'dekanna tu kasi-asia tena nijampangi. Tena niparhatikangi kana-kananna.

KATO'BA 7:19

Kacara'dekanga napa'jari taua poreangngang na sampuloa tukoasa ri se'rea kota.

1 SAMUEL 15:5

Le'baki anjo a'lampami Saul siagang ana' buana mange ri kota Amalek, nampa naruppai musua irawa ri binanga kalotoroka.

1 SAMUEL 15:2

LaNahukkungi tu Amalek lanri boe-boena ke'nanga naewai tu Israel ri wattunna battu tu Israel ri Mesir.

HAKING-HAKING 20:36

Nampami naasseng kalenna tu Benyamin angkanaya nibetami ke'nanga. Pasukang lomoro' se'rena Israel nakunjungi lari ambokoi tu Benyamin lanri napattoangi ke'nanga tantarana niaka ri tampa' paccokoanga ri ampi'na Gibea.

HAKING-HAKING 20:33

Ri wattunna ammunduru' pasukang lomoro' se'rena tu Israel, na nasusung pole barisang pasukanna ri Baal-Tamar, anjo pasukanna ke'nanga niaka naboli' ri ampi'na Gibea, assulu'mi linta' battu ri paccokkoanna ke'nanga ri daera pantaranganna kotana.

HAKING-HAKING 9:25

Appania'mi pajaga ri coppo'-coppo' buluka a'boya akkala taua ri Sikhem untu' anjakkalaki Abimelekh. Sikamma tau niaka ammalo anjoreng nirampo' ngasengi ri anjo pajaga-pajagaya. Na nipabattumo mae ri Abimelekh anjo apa kajarianga.

YOSUA 8:16

Sikontu tu bura'nea ri kota Ai nipagio' ngasemmi untu' angngondangi Yosua siagang anjo pasukanna. Mingka pila' angngondangi ke'nanga ri Yosua, pila' bellami ke'nanga battu ri kotana.

YOSUA 8:3

Jari sadia-sadiami Yosua siagang sikontu tantarana untu' a'lampa mange ri Ai. Ammilemi 30.000 tau, iamintu tantara kaminang bajika, nampa nasuro ri wattu bangngi ke'nanga,

2 KARAENG-KARAENG 7:12

Anjo wattua bangngi iji, mingka assulu'mi karaenga battu ri kamara' katinroanna nampa nakana mae ri sikamma pangawalaka, “Pilangngeri anne kanangku! Kuassengi anjo rancanana tu Siria! Naassengi ke'nanga angkanaya anne ikatte naalleki' cipuru', jari lanri kammanami anjo nanabokoi pakkemaanna ke'nanga nampa a'lampa accokko ri paranga untu' angngeppangki' sollanta assulu' a'boya kanre. Le'baki anjo nabakkai maki' nampa naempoi kotaya.”

2 PATTOTTORANG 13:13

Lalanna anjo wattua nakirimmi Yerobeam sipa'gang pasukanna untu' angngadangi pasukanna Yehuda battu ri boko, nampa sipa'gang maraenganga andallekangi ke'nanga battu ri dallekang.

HAKING-HAKING 9:32

Jari paralluko mange accokko ri kokoa punna bangngi siagang taunnu.