YOSUA 6:5 - KITTA' MATANGKASA'

⁵ Nampa anjo sikamma imanga musti natui' la'bu ngasengi tarompe'na. Kamma nulangngere'na ngaseng anjo sa'ra tarompe' la'bua, sikontu tantaraya musti appadai akkio' lompo, nampa laruntung tembo' kalli'na anjo kotaya. Nampa antama' ngaseng memang mako ri anjo kotaya.”

YOSUA 6:5 Referans Kwoze

IBRANI 11:30

Lanri tappa'na tu Israelka, naruntummo sikamma tembo'-tembo'na kota Yerikho ri wattunna le'ba' nainroi ke'nanga tuju allo sallona anjo tembo'-tembo'na kotaya.

KALAPPASSANG 19:19

Pila' sanna'mi lompona sa'ra tarompeka. A'bicarami Musa, nampa appiali Allata'ala siagang gunturu'.

1 SAMUEL 17:52

A'gora lompomi tu Israel siagang tu Yehuda nampa naondang tu Filistin sa'genna mange ri Gat siagang pakke'bu' lompona Ekron. Attambummi tu Filistin lokoka ri sikamma aganga mange ri Saaraim.

1 SAMUEL 17:20

Ammukona bari'basa', ambangummi Daud nampa apparuru. Gimbala'na nasuro jagai ri se'reang pakalawaki, nampa naalle apa-apa lanaeranga na'lampa situru' naparentakanga manggena. Battui mange ri kemana tu Israel sitabanna ero' a'lampa tu Israel mange a'bundu' ri tampa' pa'bundukanga, a'gora-gora ampakalompoi sumanga'na ke'nanga.

1 SAMUEL 4:5

Battunamo anjo Patti Parjanjianga mae ri kemaya, a'gora-gora lompomi tu Israel, sa'genna ta'ge'goso' buttaya.

YOSUA 6:20

Nampa natui'mo sikamma imanga tarompe'na. Na kamma nalangngere'na tu Israel anjo sa'ra tarompeka, akkio' lompo-lompomi ke'nanga, sa'genna runtummo tembo' kalli' kotana Yerikho. Tulusu'mi nai' sikontu tantara Israel, nampa antama' siagang naempoi anjo kotaya.

YOSUA 6:16

Ri makapintujuna nainroi, kamma natui'na sikamma imanga tarompe'na, nasaremi kode Yosua sikontu pasukanga sollanna akkio' lompo. Nakana Yosua, “Napassareammi Batara anne kotaya mae ri kau!

YEREMIA 50:15

Ammarrangko akkio' bundu' ri tammulilina anjo kotaya! Kamma-kamma anne manyarami Babel. Tembo'-tembo'na le'ba'mi nilappo siagang niruntung. Kamma-kamma anne Kugaukangi pa'balasaka mae ri Babel. Lanri kammana anjo gaukammi mae ri ke'nanga sangkamma nagaukanga ke'nanga mae ri tau maraenga.

YESAYA 30:25

Ri allo nitammulilina tembo'-tembo' pattahanganna sikamma musunnu siagang nibuno sikamma taunna, sikamma monconga siagang buluka lappasuluki siapa are jaina kaloro'.

YESAYA 25:12

Sikamma tembo' pattahanganna Moab siagang tembo'-tembo' tinggina ke'nanga lanirumbangi nampa nipatappasa' naung ri buttaya sa'genna ancuru' sangkamma limbu'bu'.

YOSUA 6:4

Tuju imang, massing angngerang tarompe' musti a'jappa ri dallekanna Patti Parjanjianga. Ri makatujuna alloa, ikau siagang tantaranu musti nuinroi anjo kotaya pintuju nampa sikamma imanga natui' ngasengi tarompe'na.

YOSUA 6:6

Jari nakio'mi Yosua sikamma imanga, na nakana, “Angkaki anjo Patti Parjanjianga; tuju tau battu ri kau ngaseng musti a'jappa ri dallekanna siagang angngerang tarompe'.”

HAKING-HAKING 20:37

Anjo sikamma tau accokkoa akkaro-karoi antama' nabunduki Gibea; nabagei kalenna ke'nanga ri kere-keremae lalang ri kotaya na nabuno sikontu tau niaka anjoreng.