YOSUA 5:9 - KITTA' MATANGKASA'

⁹ Nakana Batara mae ri Yosua, “Anne alloa le'ba'mi Kupa'lanynya' katunaannu ngaseng salaku ata-ata ri Mesir.” Iaminjo naniareng anjo tampaka Gilgal, battuanna nipa'lanynya', sa'genna kamma-kamma anne.

YOSUA 5:9 Referans Kwoze

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

YOSUA 4:19

Tanggala' sampulo bulang makase're nabattu umma' Israel ri ba'leanna Binanga Yordan. Nampa akkema ke'nanga ri Gilgal, irayanganna Yerikho.

PA'JARIANG 34:14

Nakanamo ke'nanga ri anjo tau ruaya, “Siri'-siriki ikambe angkellai andi'na ikambe a'bunting siagang tau tenaya nassunna'.

KAIMANGNGANG 24:14

“Erangi anjo taua assulu' ri pantaranganna kemaya. Sikamma tau le'baka allangngereki attunra anjo taua, musti napadongkoki limanna ri tompo' ulunna anjo taua nampa anjari sa'bi angkanaya salai anjo taua. Nampa sikontu ummaka musti nasambilai batu anjo taua sa'genna mate.

YEHEZKIEL 23:8

Tulusu' assundala'na sangkamma nagaukanga riolo ri Mesir, ri tampa'na panra' katauloloanna. Baku' ri ca'dina iji naniagammo sikatinroang siagang nipare' sangkamma pasundala'.

YEHEZKIEL 23:3

Ri wattu lolona ammantangi ke'nanga ri Mesir. Anjoreng panra'mi katauloloanna ke'nanga, nampa a'jari pasundala'mo.

YEREMIA 9:25

Nakana Batara, “Lanarapiki sallang wattunna naKuhukkung tu Mesir, Yehuda, Edom, Amon, Moab, siagang pandudu'na parang lompoa ancukkuru' bodoai uu'na. Nisunna' ngasengi ke'nanga sangkamma tu Israel, mingka baji' nake'nanga kammayatompa bansa Israel nipasangkammai siagang sikamma tau tenaya nisunnaki, lanri tenana namannuruki ke'nanga ri parjanjiang nipangngebaranga lalang sunnaka anjo.”

PAMMUJI 119:39

Kipakabellai panghinaang kukamallakkanga, lanri tamaka baji'na hukkunTa.

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”

YOSUA 24:14

Nakanamo pole Yosua, “Jari, kamma-kamma anne pakala'biriki Batara. Anynyombako mae ri Ia silambusu'na pa'mai'nu siagang pa'mai' tamamminraya. Pakabellai rewata-rewata nasombaya riolo boe-boenu ri Mesopotamia siagang ri Mesir. Anynyombako ri Batara bawang.

YOSUA 5:8

Ri le'ba'na ngasemmo ke'nanga nisunna', ammantammi ke'nanga ri kemaya sa'genna pia bokka'na ke'nanga.

1 SAMUEL 7:16

Taung-taungi a'jappa akkuliling mae ri Betel, Gilgal, siagang Mizpa. Siagang sikamma parkara-parkara passisalang niaka ri sikamma anjo tampaka, napa'le'ba' ngasemmi napakabaji'.

2 SAMUEL 19:15

Nampa a'lampamo karaenga siagang battumi mange ri Binanga Yordan; na lalanna anjo wattua battumi tu Yehuda ri Gilgal untu' ambuntuli karaenga siagang narurungammi a'limbang ri anjo binangaya.

MIKHA 6:5

He ummakKu, u'rangi apa narancanakanga Balak karaeng Moab mae ri kau, siagang apa papialinna Bileam ana'na Beor mae ri ia. U'rangi apa kajarianga ri pa'jappannu ri alla'na pakkemaannu ri Sitim siagang Gilgal. Punna nuu'rangi ngasengi anjo sikammaya, lanusadarimi apa le'baka Kugaukang untu' ampasalamakko.”

ZEFANYA 2:8

Nakana Batara Kaminang Koasaya, “Kulangngere'mi bansa Moab siagang Amon anghinai siagang ancau-caui ummakKu. A'bicara tampoi ke'nanga angkanaya lanarampasaki buttana ummakKu.

NEHEMIA 12:29

battu ri Bet-Gilgal, Geba siagang Asmawet.

HOSEA 4:15

He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

AMOS 5:5

Teako a'lampai mange ri Bersyeba untu' anynyomba. Teako boyaiA' ri Betel, nasaba' lalanynyaki Betel. Tea tongko a'lampai mange ri Gilgal, nasaba' pandudu'na anjo kotaya laniengkaki mange ri pammelakkanga.”