YOSUA 5:3 - KITTA' MATANGKASA'

³ Jari nagaukammi Yosua anjo apa Naparentakanga Batara, na nasunna'mo tu Israel ri se'reang tampa' niarenga Bulu' Passunnakkang.

YOSUA 5:3 Referans Kwoze

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

KALAPPASSANG 4:25

Anjo Zipora, bainenna Musa, angngallei se're batu tarang nampa napolong cappa' bukkuleng katauanna ana'na, nampa napasero ri bangkenna Musa. Nakana Zipora, “Ikau bura'ne cera' mae ri nakke.”

YOSUA 5:2

Anjo wattua angkanami Batara mae ri Yosua, “Apparekko lading battu ri batu, nampa apparekko upacara passunnakkang mae ri sikamma tu Israel.”

YOSUA 5:4

Ri wattunna assulu' tu Israel battu ri Mesir, sikontu tu bura'nea le'ba' ngasemmi nisunna'. Mingka ri wattunna a'lampa ke'nanga alla'bang ri parang kassika patampulo taung sallona, manna sitau ana'-ana' bura'nea tania' nisunna'. Na ri wattunna kala'busanna anjo wattu patampuloa taung, sikamma tu bura'ne umuru' akkulleamo a'jari tantara ri wattunna assulu' ke'nanga battu ri butta Mesir, mate ngasemmi, lanri tenana namannuruki ri parentaNa Batara. Jari situru' sumpaNa Batara, tena Nanipa'biangi ke'nanga anciniki anjo pa'rasangang kalumanynyanga siagang butta coppong Napa'janjianga Batara mae ri boe-boena ke'nanga.