YOSUA 5:14 - KITTA' MATANGKASA'

¹⁴ Appialimi anjo taua angkana, “Teai agang, siagang teai todong bali. Inakke battua' mae anrinni salaku panglimana tantaraNa Batara.” Nalangngere'na Yosua pappialinna anjo taua, su'ju'mi anynyomba ri anjo taua. Angkanami Yosua, “Inakke anne atanta' karaeng. Apa akkulle kugaukang untu' ikatte?”

YOSUA 5:14 Referans Kwoze

YESAYA 55:4

Sikontutojenna, ia laKupa'jari pamimping siagang panglima, sa'bi kakoasangKu mae ri sikamma bansa-bansaya.

PA'JARIANG 17:3

Su'ju'mi Abram, nampa Nakanamo Allata'ala,

LUKAS 20:42

Na kalenna Daud angkana lalang ri Kitta' Pammuji angkanaya, ‘Nakana Batara ri Bataraku: AmmempoKo ri sa'ri kanangKu,

DANIEL 12:1

Nakanamo pole anjo malaeka' ammakea pakeang lenang, “Ri anjo wattua lammumbai malaeka' lompoa iamintu Mikhael pajagana bansanu. Nampa lania' wattu kasukkarang tenaya sanrapanna baku' nia'na bansa-bansaya. Mingka sikontu tau battua ri bansanu, ia niaka tattulisi' arenna lalang ri kitta'Na Allata'ala, lanipasalamaki.

DANIEL 10:13

Malaeka' pajagana kakaraengang Persia naewa' nia' ruampulo asse're allonna. Nampa Mikhael, kalase'renna pamimping malaekaka, battu antulunga'. Kubokoimi anjoreng, ri Persia.

PAPPICINI' 12:7

Nampa a'jarimo pa'bundukanga ri suruga. A'bundu'mi Mikhael siagang malaeka'-malaeka'na angngewai anjo nagaya. Nangngewamo anjo nagaya, nibantu ri malaeka'-malaeka'na todong, angngewai Mikhael.

YOHANES 20:28

Nakanamo Tomas ri Isa, “O Bataraku, siagang Allata'alaku!”

MATIUS 22:44

‘Nakana Batara ri Bataraku: Ammempoko ri sa'ri kanangKu, Sa'genna Kusuro ngaseng akkulantu' musu-musunNu ri dallekanNu.’

MATIUS 8:2

Anjo wattua nia' tommo se're tau garring sala battu akkulantu' ri dallekanNa Isa angkana, “O, Bapa', punna Kierokangi akkulleKi' amballeia' ku'jari baji' ri garringku.”

YESAYA 6:8

Nampa nia' kulangngere' sa'ranNa Batara angkana, “Inai laKusuro? Inai lampabattui kabaratta?” Appialima' angkana, “Anne niakka'. Kisuroma'!”

PAMMILANGNGANG 16:45

“Ammono'bokoko battu ri sikamma anjo taua. LaKupanraki anjo ke'nanga ri anjo memang tampaka!” Su'ju'mi ke'nanga sipa'rua anynyomba,

IBRANI 2:10

Memang siratang memang tongi Allata'ala – le'baka ampa'niaki sikontu apa-apaya situru' apa Nakaerokanga – ampa'jari Isa Pappasalama' sukkuka tete ri kasessanga. Lanri kammanami anjo nakkullemo jai tau Nakio' Allata'ala amminawang nipakalompo siagang Isa. Nasaba' Iami panynyungke oloang mae ri ke'nanga untu' akkulle nipasalama'.

FILIPI 3:8

Teai sikammaya anjo bawang; mingka yangaseng-ngasenna kucini' a'jari karugiang ngaseng mami. Ia niaka ri nakke kamma-kamma anne lompoangangi anggaranna: iamintu kuassemmi Isa Almasi, Bataraku. Nasaba' Almasi, kubokoi ngasemmi anjo yangaseng-ngasenna. Yangasenna anjo kucini' loro mami, sollanna akkulle kugappa Almasi,

LAMPA-LAMPANA 9:6

Mingka kamma-kamma anne ambangung mako nai', na nuantama' ri kotaya. Anjorempi nampa nipauangko apa musti lanugaukang.”

LUKAS 1:43

Inai tonga' anne, nabattukamma amma'Na Batara mae ri nakke?

PAMMUJI 110:1

Pammujina Daud. Nakana Batara ri karaengku, “Ammempoko ri sa'ri kanangKu, sa'genna Kupatundu' ngaseng sikamma musunnu.”

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

KALAPPASSANG 4:10

Mingka nakanamo Musa, “Iye' Batara, mingka inakke teaiya' tau cara'de' a'bicara, baji' nariolo kammayatompa kamma-kamma anne, ri le'ba'namo Batara a'bicara mae ri nakke. Battala' sikali lilaku, salloi bateku a'bicara siagang tena nalaccu'.”

PA'JARIANG 17:17

Nampa su'ju'mo Abraham. Mingka ammakkala'mi napikkiri'na angkanaya, “Antekamma batena se'rea bura'ne narapikamo sibilangngang taung umuru'na lakkulle anggappa ana'? Antekamma batena lakkulle Sara allassukang ana' ri umuru' salapang puloa taung?”

LUKAS 5:12

Ri se'reang allo, niaki Isa ri se'reang kota. Anjoreng nia' se're tau bura'ne nataba garring sala. Nacini'na Isa, su'ju'mi anjo taua ri dallekanNa Isa. Nampa nakana ri Isa, “Pa', punna erokKi', akkullea' Kiballei naku'jari baji'!”

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

KALAPPASSANG 4:13

Mingka appialimi Musa angkana, “Kupalaki, sollanna teai inakke Kisuro Batara, tau maraenga lalomo Kisuro.”

PAMMUJI 24:10

Inaika Karaeng mala'birika? Iami Batara Kaminang Koasaya, Iami Karaeng mala'birika!

PAMMILANGNGANG 22:31

Nampa Napa'jarimo Batara akkulle Bileam anciniki anjo malaeka'Na Batara niaka ammenteng anjoreng anna'gala' pa'dang ta'bi'bu'. Su'ju'mi linta' Bileam naung ri buttaya nampa anynyomba.

YOSUA 20:1

Nampa Nasuro Batara anjo Yosua

2 SAMUEL 7:19

Ba'lalo la'biangngang naanjo Kigaukanga, o Batara Kaminang Tinggia; le'bakKi' appare' janji ri passala'na jari-jariku untu' wattu labattua. Siagang Kipappicinikangi anjo passalaka mae ri nakke, manna nainakke anne poro tau biasaja' bawang, o Batara Kaminang Tinggia.

2 SAMUEL 7:20

Apapi pole akkulle kupau mae ri Katte? Kiassengi sikontu-kontuna ri passala'na anne atanTa.

YEHEZKIEL 3:23

Jari a'lampama' mange ri lappara'na ka'bunga, nampa anjoreng kuciniki singara' accayaya, ampa'nassayai kahaderanNa Batara sangkamma le'baka kucini' ri birinna Binanga Kebar. Nampa tu'guru' tattinompamma' naung ri buttaya,

DANIEL 8:11

Ba'lalo napa'ngarai panglimana tantara suruga, napammari koro'bang passare allo-alloa mae ri anjo panglimaya, siagang narumbangi balla' ibadaya mae ri ia.