YOSUA 4:9 - KITTA' MATANGKASA'

⁹ Anjoreng ri tangnga-tangngana anjo Binanga Yordan, nasusummi Yosua anjo sampuloa anrua batu, ri tampa' pammentenganna le'ba' sikamma imang ambulekai anjo Patti Parjanjianga. (Anjo batu-batua nia' iji anjoreng sa'genna kamma-kamma anne.)

YOSUA 4:9 Referans Kwoze

1 SAMUEL 7:12

Le'baki anjo appaentemmi Samuel se're batu, ri pa'baeng-baenna Mizpa siagang Sen. Nakanamo, “Natulung maki' Batara siganna'na.” Nampa naareng anjo batua “Batu Pannulungang”.

2 PATTOTTORANG 5:9

Anjo kayu pa'buleka sanna' la'buna, sa'genna kacinikangi cappa'na ngaseng battu ri dallekanna anjo Kamara' Kaminang Matangkasaka, mingka tena nakacinikang battu pantarang. (Sa'genna anne alloa tuli nia'na anjo kayu-kayua anjoreng.)

1 SAMUEL 30:25

Nampa nagaukammo Daud anjo a'jari paratorang, na nituruki ri Israel sa'genna kamma-kamma anne.

HAKING-HAKING 1:26

A'lette'mi anjo taua mange ri pa'rasangang Het nampa ambangung se're kota anjoreng na naareng Lus. Tuli kammana anjo arenna anjo kotaya.

YOSUA 24:26

Sikontu anjo hukkunga siagang paratorang-paratoranga natulisiki lalang ri Kitta' HukkunNa Allata'ala. Nampa angngalle se're batu lompo, na napaenteng irawanganna poko' kayu lompoa ri tampa' nisa'laka untu' Batara.

PAOLE 34:6

Nitarawammi ri Batara ri se'reang ka'bung ri Moab, ri ba'leanna kota Bet-Peor, mingka sa'genna anne alloa tena tau angngassengi angkana kemae jera'na.

KALAPPASSANG 28:21

Ri tunggala' paramataya musti niukiriki massing arenna tasse'rea suku battu ri anjo sampuloa anrua ana'na Yakub, untu' a'jari pammatei siagang pappiu'rangi mae ri suku-suku Israel.

KALAPPASSANG 24:12

Nampa Nakanamo Batara ri Musa, “Battuko mae ri Nakke irate ri monconga. Anjoreng laKusareko rua batu Kupannulisia sikontu hukkungKu. Anjo sikontu hukkunga Kupassareangi untu' a'jari pangngajarang mae ri anjo bansaya.”

PA'JARIANG 28:18

Ammukona bari'basa', ammentemmi Yakub, nampa naalle anjo batu napareka pa'lungang. Napaentemmi anjo batua a'jari batu pangngu'rangi. Natirikimi minynya' zaitun mabau' irateanna anjo batua untu' KalenNa Allata'ala.

PA'JARIANG 26:33

Nampa nasaremo areng Ishak anjo bungunga “Sumpa”. Iaminjo assala' pakaramulanna naniareng anjo kotaya Bersyeba.

MATIUS 28:15

Naallemi Surudadu pajagaya anjo doeka, na nagaukang anjo apa nipappasanganga ri ke'nanga. Lanri kammana minjo natassiara'mo anjo caritaya ri tangnga-tangngana tu Yahudia sa'genna anne alloa.

MATIUS 27:8

Iaminjo saba'na na sa'genna kamma-kamma anne niarengi anjo tampaka, “Tampa' Cera'”.

1 KARAENG-KARAENG 18:31

Angngallei sampulo anrua batu. Massing tasse'rea batu nawakkeli kalase'renna sampuloa anrua suku turunganna Yakub, iamintu tu nisarea areng Israel ri Batara.

YOSUA 4:10

Sikamma imanga ammenteng tulusuki ri tangnga-tangngana Binanga Yordan sa'genna le'ba' ngaseng nagaukang anjo taua sikontu apa Naparentakanga Batara mae ri ke'nanga tete ri Yosua. Anjo kammaya sicocoki siagang pangngunju'-pangngunju' battua ri Musa mae ri Yosua. Akkaro-karomi umma' Israel a'limbang ri Binanga Yordan.