YOSUA 4:6 - KITTA' MATANGKASA'

⁶ Anjo batu-batua lampiu'rangiangi anne bansaya mae ri apa le'baka Nagaukang Batara. Ri bokoangallo punna akkuta'nang ana'-ana'nu angkana apa battuanna anjo batu-batua mae ri kau,

YOSUA 4:6 Referans Kwoze

KALAPPASSANG 13:14

Punna ri bokoang allo nakkuta'nang ana'nu angkana apa ngaseng battuanna anjo sikammaya, musti appialiko angkana, ‘Lalang koasa malompoNa Batara na Naerang maki' assulu' battu ri pa'rasangang Mesir, tampatta nipare' ata.

YOSUA 4:21

Nampa nakana Yosua mae ri umma' Israel, “Ri bokoangallo, punna akkuta'nang ana'-ana'nu angkanaya apa battuanna anne batu-batua,

PAMMUJI 44:1

Pammujina golongang Korah. Kelong pangngajarang. Untu' pamimping pakelong.

YOSUA 22:27

mingka untu' a'jari pammatei mae ri katte ngaseng, siagang mae ri jari-jarita ri allo ri boko, angkana kammatojengi ikambe anne nigaukangi ibadaya mae ri Batara ri Kema KahaderanNa, koro'bang nitunu, passare-passare siagang koro'bang passari'battangngang. Lanri kammana anjo, tenamo nalanakana jari-jarinu angkanaya anjo jari-jarina ikambe tena passisambunganna siagang Batara.

PAOLE 11:19

Pangngajarrangi mae ri ana'-ana'nu. Bicarakangi lalang ri balla'nu siagang ri pantaranganna balla'nu, wattunnu ammari-mari siagang ri wattunnu anjama.

YESAYA 55:13

Poko' camaraya lassambeangi rompo' katintinga bunga-bunga ansambeangi sikamma rompo'-rompoka. Kajariammi anjo kammaya sollanna masahoro' arengKu; a'jari pammatei mannannungang tenaya nalatappela'.”

YESAYA 38:19

Tuttallasa' bawang akkulle mammuji ri Katte, kamma kugaukanga anne alloa. Tutoa ancaritai ri ana'na ri tamaka tamamminraTa, o Batara.

PAMMUJI 71:18

O, Allata'ala, tea' laloKi' bokoia', sa'gengku toa siagang kebo' uukku, sollanna kukabarrang koasaTa siagang kaporeanTa mae ri sikontu turungang labattua.

LAMPA-LAMPANA 2:39

Nasaba' anjo Napa'janjianga Allata'ala untu' ikau ngaseng siagang sossorannu, kammayatompa untu' tau battua ri pammantangang bellaya – iamintu sikontu tau Nakioka Allata'ala Batarata battu mae ri Ia.”

YEHEZKIEL 20:20

Pakalompoi allo Pammari-marianga sollanna a'jari pammatei mae ri kau siagang iNakke, untu' ampiu'rangiangko angkanaya iNakkemi Karaeng Allata'alanu.’

YEHEZKIEL 20:12

Kusuroi ke'nanga ampakalompoi allo Pammari-marianga salaku pammatei parjanjiangKu siagang ke'nanga, untu' ampiu'rangiangi ke'nanga angkana iNakke Batara, le'baka ansa'laki ke'nanga a'jari ummakKu.

KALAPPASSANG 31:13

untu' ampa'la'bangi napau mae ri bansa Israel, angkana, “Pakalompoi Allo Pammari-marianga, iamintu allo le'baka Kupattantu a'jari allo pammari-mariang. Sa'genna satunggu-tungguna anjo alloa a'jari pappiu'rangi mae ri kau siagang iNakke, sollanna nuasseng angkana iNakke Batara, kammayatompa angkanaya le'ba' mako Kupa'jari bansa KalengKu.

KALAPPASSANG 13:9

Anne passua'-suarranga anjari pangngu'rangi mae ri kau, sanrapang pammatei nisikkoka ri limannu yareka pammatei ri abannu. Anne passua'-suarranga anjari pappiu'rangi mae ri kau sollanna tuli nubicara siagang tuli nupilajari Hukkung-hukkunNa Batara; saba' Napasulukko Batara battu ri Mesir siagang koasa malompoNa.

KALAPPASSANG 12:14

Anjo alloa musti nuu'rangi na nupakalompo a'jari allo lompo mae ri Batara. Untu' situlusu'na anjo alloa musti nupakalompoi tunggala' taung.”

YOSUA 4:5

nampa nakana, “A'lampako mange ri tangngana Binanga Yordan, ri dallekanna Patti ParjanjianNa Karaeng Allata'alanu. Massing angngalleko se're batu battu anjoreng, iamintu sampulo anrua batu jaina situru' jaina suku-suku niaka lalang ri bansa Israel.