YOSUA 4:22 - KITTA' MATANGKASA'

²² pauangi ke'nanga angkanaya a'limbangi umma' Israel ri anne Binanga Yordan irate ri butta kalotoroka.

YOSUA 4:22 Referans Kwoze

YESAYA 51:10

IKatte todong ampakalotoroki tamparanga, je'ne' tamparang lantanga. IKatte appare' oloang lalang ri anjo je'neka, sollanna akkulle a'limbang sikamma tau Kipasalamaka.

PAPPICINI' 16:12

Le'baki anjo natumpami bonena pammoneanna anjo malaeka' makaannanga naung ri Binanga lompoa, iamintu Efrat. A'jari kalotoro'mi anjo binangaya sa'genna a'jappamo sikamma karaeng battu rayaya angngolo anjoreng.

YESAYA 44:27

INakke angkana mae ri tamparanga: esakko! INakke ampa'jari kalotoroki sikamma binanganu.

KALAPPASSANG 15:19

Ri wattunna a'limbang ri tamparanga tu Israel, a'jappai ke'nanga ri dapara' kalotoro'na tamparanga. Mingka sikamma karetana tu Mesir siagang jaranna kammayatompa tuma'baena, ri wattunna antama' ngaseng ke'nanga ri je'neka, Napa'lo'loro'mi Batara ammotere' anjo je'neka assialle ammotere' sa'genna tallang ngaseng ke'nanga.

KALAPPASSANG 14:29

Mingka ri wattunna a'limbang tamparang tu Israelka, a'jappai ke'nanga lalang ri butta kalotoro'na tamparanga, siagang je'ne' niaka ri kananna siagang ri kairinna a'jari kammai tembo' nai'.

KALAPPASSANG 14:22

Ta'bage ruami je'neka, siagang ri wattunna a'limbang tu Israel ri anjo tamparanga, a'jappami ke'nanga ri butta kalotoroka, nampa anjo je'ne' niaka ri sa'ri kananna siagang kairinna rapangi tembo' ammenteng nai'.

YOSUA 4:21

Nampa nakana Yosua mae ri umma' Israel, “Ri bokoangallo, punna akkuta'nang ana'-ana'nu angkanaya apa battuanna anne batu-batua,

YOSUA 3:16

ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.