YOSUA 4:14 - KITTA' MATANGKASA'

¹⁴ Anjo alloa Nagaukangi Batara sikamma gau' malompoa sa'genna anjo bansa Israel napakalompomi Yosua salaku tau malompo. Nipakalompomi Yosua ri ke'nanga lalang sikontu tallasa'na, sangkamma nipakalompona Musa ri ke'nanga.

YOSUA 4:14 Referans Kwoze

YOSUA 3:7

Nakana Batara mae ri Yosua, “Appakkaramula anne alloa laKupa'jariko tau malompo sa'genna sikontu umma' Israel lanapakalompoko siagang nasadari angkanaya iNakke anrurungangko sangkamma Kururunganna Musa.

2 PATTOTTORANG 30:12

Manna ri Yehuda Napagio' tonji Allata'ala siagang Napa'julu ati ra'yaka untu' attojeng-tojeng mannuruki ri ero'Na Allata'ala, sa'genna naturuki parentana karaenga siagang pagawe-pagawena.

ROMA 13:4

Nasaba' anjo pamarentaya atanNa Allata'ala, anjamaya untu' kabajikannu. Mingka punna a'gau' ja'dalakko, memang musti mallakko mae ri pamarentaya; nasaba' tena naporo nia'naja koasana anghukkungi taua. Iami atanNa Allata'ala, ampabattuai hukkunganNa Allata'ala mae ri tau a'gau' ja'dalaka.

1 KARAENG-KARAENG 3:28

Nalangngere'na bansa Israel anjo kaputusang le'baka natantukang lalang ri anjo parkaraya, lannasa'mi siagang angngali'mi ke'nanga ri ia. Nasaba' a'nassami angkanaya nisaremi pangngassengang mabaji' ri Allata'ala untu' a'gau' adele'.

PANGNGEBARANG 24:21

Ana', mallakko ri Batara, siagang pakalompoi karaenga. Teako katuru'-turukangi mae ri tau angngewayai ke'nanga.

1 SAMUEL 12:18

Nampa appala' doammo Samuel; na ia memang anjo alloa appaturummi Batara gunturu' siagang bosi. Sikontu anjo bansaya a'jari malla' ngasemmi ri Batara siagang mae ri Samuel.

KALAPPASSANG 14:31

Nacini'na tu Israel antekamma lompona kakoasanNa Batara ambetai tu Mesir, lannasa' sikalimi ke'nanga, siagang tappa'mi ke'nanga ri Batara siagang ri Musa atanNa.

1 KORINTUS 10:2

Sanrapang nije'ne'mi ke'nanga lalang ri anjo rammanga siagang lalang ri anjo tamparanga, sollanna akkulle ke'nanga a'jari tumminawang ri Musa.

YOSUA 4:13

Yangasenna niaki 40.000 tu bura'ne angngerang ngaseng sanjata siagang sadiaya untu' a'bundu'. Ri dallekanNa Batara, alimbangi ke'nanga nampa mange ri lappara' rawaya ri ampi'na Yerikho.

YOSUA 4:15

Nampa Nasuro Batara anjo Yosua

KALAPPASSANG 11:3

Batara lampagioki atinna tu Mesir sa'genna lammoro' pa'mai' ke'nanga mae ri tu Israel. Na'jari Musa tu sanna' nipakalompona ri sikamma pagawea siagang ra'yaka ri Mesir.

2 KARAENG-KARAENG 2:15

Anjo limampuloa na'bi naciniki anjo apa kajarianga, nampa nakana ke'nanga, “A'lette'mi koasana Elia mae ri Elisa!” Battumi ke'nanga mange ri Elisa nampa su'ju' ke'nanga ri dallekanna

1 PATTOTTORANG 29:25

Napa'jarimi Batara sikontu ra'yaka angngali' mae ri Salomo, siagang Napa'jarimi Salomo karaeng poreanganga na karaeng maraengannaya, sikamma le'baka ammarenta ri Israel.