YOSUA 3:5 - KITTA' MATANGKASA'

⁵ Nakana Yosua mae ri umma' Israel, “Parallui nupakatangkasa' kalennu, nasaba' ammuko nia' gau' appakalannasa' laNagaukang Batara ri tangnga-tangnganu.”

YOSUA 3:5 Referans Kwoze

YOSUA 7:13

Kamma-kamma anne ambangungko nai' Yosua! Tangkasi umma' Israel siagang suroi ke'nanga ampasadiai kalenna untu' andallekang ri Nakke. Parentakangi mae ri ke'nanga sollanna sadia-sadia ammuko, saba' iNakke Karaeng Allata'alana Israel, laKupabattui anne mae ri ke'nanga angkanaya: ‘E, ikau ngaseng tu Israel! Anjo barang-barang Kuparentakanga mae ri kau sollanna nuancuruki, niaki sipa'gang ri kau. Lalang tenana nanupelaki anjo barang-baranga, tena nulattahang andallekangi musunnu!’

KAIMANGNGANG 20:7

Katutui kalennu sollannu tuli matangkasa', lanri iNakke Karaeng Allata'alanu.

YO"EL 2:16

Pa'rappungi sikontu ra'yaka, pabattu ngasengi sikamma ummaka. Suroi battu sikamma tau toa-toaya, ana'-anaka siagang ana'-ana' loloa pole. Ba'lalo manna sikamma bunting berua musti battu tongi. Suroi ke'nanga ambokoi kamara'na.

1 SAMUEL 16:5

Appialimi Samuel angkana, “Iyo kammatojengi. Battua' mae untu' assare koro'bang mae ri Batara. Jari tangkasi ngasengi kalennu sollannu akkulle amminawang ri anjo pa'gaukang koro'banga.” Isai siagang ana'-ana'na nasuro ngaseng tommi massing antangkasi kalenna, siagang naundang mange ri anjo pa'gaukanga.

YOHANES 17:19

Kupassareammi KalengKu, iamintu tu nikatutuinTa, untu' kaparalluanna ke'nanga, sollanna akkulle todong ke'nanga a'jari ummatTa Kikatutuia, lanri katojenganga.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

PAMMUJI 86:10

Saba' iKatte pore siagang anggaukangi gau'-gau' appakalannasaka, iKatteji bawang Allata'ala.

AYUB 1:5

Punna le'ba' anjo massing pa'gaukanga, tuli ambangung bari'basaki Ayub nampa assare koro'bang untu' tungga'-tunggala' ana'na sollanna nipammopporang ke'nanga ri Batara. Saba' nakana pikkiranna Ayub, gassingka dorakami anjo ana'-ana'na siagang nahinai Allata'ala natanaassenga kalenna.

YOSUA 3:13

Sinampe' punna anjo imang-imang ambulekai Patti ParjanjianNa Batara napaonjo'mi bangkenna antama' ri je'neka ri Binanga Yordan, ammantammi a'lo'loro' je'ne'na; anjo je'ne' a'lo'loroka ri ulunna anjo binangaya lammantangi ri se're tampa'.”

PAMMILANGNGANG 11:8

Punna bangngi tu'guruki anjo mannaya siagang saliuka ri tampa' pakkemaanga. Ri bari'basa'na a'jappami taua kemae-kemae ampasse'rei, nampa nagilingi yareka nadengkai na'jari labu', nampa napare' a'jari kanrejawa a'bo'dong siagang a'leppa'. Naia kasia'na sangkammai kanrejawa nitunua siagang minynya' zaitun.

YOSUA 3:4

mingka teako ambani dudui ri anjo Pattia a'jappa; pinawangi battu ri boko kira-kira se're kilometere' bellana. Jari kammaminjo nalanuasseng agang kereanga musti nuolo, nasaba' tena le'bakapi nuolo anne daeraya.”

YOSUA 3:6

Nampa naparentakang Yosua sikamma imanga sollanna naangka' anjo Patti Parjanjianga nampa a'lampa riolo ri dallekanna umma' Israel. Nagaukammi ke'nanga anjo apa naparentakanga Yosua mae ri ke'nanga.

PAMMUJI 77:15

IKattemi Allata'ala anggaukangai gau' appakalannasaka, le'ba'mi Kipa'nyata koasaTa ri alla'na bansa-bansaya.