YOSUA 3:4 - KITTA' MATANGKASA'

⁴ mingka teako ambani dudui ri anjo Pattia a'jappa; pinawangi battu ri boko kira-kira se're kilometere' bellana. Jari kammaminjo nalanuasseng agang kereanga musti nuolo, nasaba' tena le'bakapi nuolo anne daeraya.”

YOSUA 3:4 Referans Kwoze

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

1 PATTOTTORANG 11:2

Riolo iji, ba'lalo ri ri wattu ammarentana ija Saul mae ri kambe, ikattemi tuli ampimpingi tantarana Israel punna maju mange a'bundu'. Nampa pole le'ba'mi a'janji Karaeng Allata'alata, angkanaya ikattemi lampimpingi umma'Na siagang a'jari karaenna ke'nanga.”

KALAPPASSANG 3:5

Nakanamo Allata'ala, “Teako a'reppesi. Sungkei pa'lapa' bangkennu, lanri niakko ammenteng ri butta matangkasaka.

KALAPPASSANG 19:12

Apparekko pammatei ri tammulilina anne monconga a'jari pa'baeng-baeng tenaya nakkulle nalaloi anjo bansaya. Pisangkai anjo bansaya angngambi' ri monconga, ba'lalo takkulleai ke'nanga a'reppese'. Inai-nai allaloi pa'baeng-baenna, lanihukkung matei;

KALAPPASSANG 4:10

Mingka nakanamo Musa, “Iye' Batara, mingka inakke teaiya' tau cara'de' a'bicara, baji' nariolo kammayatompa kamma-kamma anne, ri le'ba'namo Batara a'bicara mae ri nakke. Battala' sikali lilaku, salloi bateku a'bicara siagang tena nalaccu'.”

PA'JARIANG 31:2

Nacini' tommi Yakub angkana tenamo nasangkamma riolo baji'na Laban mae ri kalenna.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YOSUA 3:3

nampa napabattu mae ri umma' Israel parenta kammaya anne, “Punna nucini' sikamma imanga ambuleki Patti ParjanjianNa Karaeng Allata'alanu, paralluko a'lampa todong ambokoi anne tampa' pakkemaanga. Pinawangi anjo Pattia,

YOSUA 3:5

Nakana Yosua mae ri umma' Israel, “Parallui nupakatangkasa' kalennu, nasaba' ammuko nia' gau' appakalannasa' laNagaukang Batara ri tangnga-tangnganu.”

PAMMUJI 25:12

Kipangngajarrangi mae ri tumappilangngeria oloang musti naoloa ke'nanga.

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.