YOSUA 3:13 - KITTA' MATANGKASA'

¹³ Sinampe' punna anjo imang-imang ambulekai Patti ParjanjianNa Batara napaonjo'mi bangkenna antama' ri je'neka ri Binanga Yordan, ammantammi a'lo'loro' je'ne'na; anjo je'ne' a'lo'loroka ri ulunna anjo binangaya lammantangi ri se're tampa'.”

YOSUA 3:13 Referans Kwoze

KALAPPASSANG 15:8

Kituiki tamparanga, ta'gulung tinggi je'neka, ammenteng kassa' rapang tembo', sa'genna akkulle niolo dapara'na tamparanga.

PAMMUJI 78:13

Nabage ruai tamparanga, nampa napalimbang ke'nanga; napaentengi je'neka sangkamma tembo' pammantangngang je'ne'.

HABAKUK 3:15

Kionjo'-onjokangi tamparang lompoa siagang jaranTa na'jari kebo'mo a'busa tamparanga.

PAMMUJI 33:7

Sikontu je'ne' tamparanga Napasse'rei ri se'reang tampa', tamparang lompoa Natahangi lalang se're pannahangngang je'ne'.

YOSUA 4:7

parallui nupauang ke'nanga angkanaya ammantangi a'lo'loro' je'ne'na Binanga Yordan ri wattunna nierang a'limbang Patti ParjanjianNa Batara ri anjo binangaya. Anjo batu-batua latuli ampiu'rangiangi bansa Israel mae ri apa kajarianga anrinni.”

PAMMUJI 74:15

Kipa'lo'loroki je'ne' timbusenga siagang je'ne' binangaya; binanga lompoa Kipa'jari kalotoroki.

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

YESAYA 54:5

Mappa'jarinu rapangi bura'nennu, Allata'ala matangkasa'na Israel Iami Mappasalama'nu. Batara Kaminang Makoasaya, iaminjo arenNa, Ia Allata'ala makoasa ri sikontu linoa.

ZAKHARIA 4:14

Nakanamo, “Iaminjo battuanna ruaya tau le'baka Napilei Batarana sikontu linoa siagang nijo'joka untu' a'jari palayanNa.”