YOSUA 24:33 - KITTA' MATANGKASA'

³³ Nampa mate tommo Eleazar ana'na Harun, na nitarawang ri Gibea, iamintu kota niaka ri daera pa'monconganna Efraim. Anjo kotaya le'ba'mi nipassareang mae ri Pinehas, ana'na Eleazar.

YOSUA 24:33 Referans Kwoze

YOSUA 22:13

Nampa nisuromo Pinehas, ana'na Imang Eleazar, ri umma' Israel a'lampa mange ri suku Ruben, suku Gad siagang suku Manasye bageang rayaya ri daera Gilead.

KALAPPASSANG 6:25

Iaminjo Harun siagang Musa Naparentakanga Batara untu' angngerangi tu Israel assulu' battu ri Mesir.

IBRANI 7:24

Mingka Isa, attallasaki satunggu-tungguna; jari takkulleai a'lette' mae ri tau maraenga anjo jama-jamang imang niaka ri Ia.

LAMPA-LAMPANA 13:36

Matemi Daud ri le'ba'namo nagaukang apa-apa Napassuroanga Allata'ala ri ia. Le'ba'mi nitarawang siagang boe-boena. Anjo maya'na Daud ancuru' tommi a'jari butta ngaseng.

ZAKHARIA 1:5

Kemaemi boe-boenu siagang anjo na'bi-na'bia ri kamma-kammaya anne? Tena ngasemmi ke'nanga.

PAMMUJI 49:10

sollanna akkulle a'lili battu ri kamateanga nakkulle attallasa' satunggu-tungguna.

AYUB 30:23

Kuassengi, angkana Kieranga' mange ri lino kamateanga, tampa'na nipasse're sikamma apa attallasaka.

YOSUA 14:1

Iaminne carita ri passala'na antekamma batena nibage-bage pa'rasangang Kanaan niaka ri laukanna Binanga Yordan mae ri umma' Israel. Ambage-bageai anjo buttaya mae ri umma' Israel iamintu Imang Eleazar, Yosua ana'na Nun, siagang kapala-kapala kaluarga niaka lalang ri suku-suku bansa Israel.

PAMMILANGNGANG 3:32

Kapalana suku Lewi iamintu Eleazar, ana'na Harun. Ia angngawasi sikamma tau tugasaka ri Kamara' Matangkasaka.

KALAPPASSANG 6:23

Korah nia' tallu ana'na bura'ne, iamintu: Asir, Elkana, siagang Abiasaf. Iaminjo ke'nanga boe-boena golongang kaluargana Korah.

HAKING-HAKING 17:8

Mingka kamma-kamma anne nabokoimi anjo kotaya, na'lampa a'boya pammantangang maraeng. Lalang ri pa'jappanna anjo battumi ri balla'na Mikha ri daera bulu'na Efraim.

1 SAMUEL 1:1

Nia' sitau bura'ne niareng Elkana, battu ri suku Efraim. Ammantangi ri kota Rama, ri daera pa'monconganna Efraim. Elkana iamintu ana'na Yeroham, na cucunna Elihu. Antamaki golonganna kaluarga Tohu, tangke passibijang battu ri Zuf.

1 SAMUEL 9:4

Jari a'lampami Saul siagang palayanna antulakkangi daera pa'bulukanna Efraim siagang butta Salisa. Mingka tanagappayai anjo olo'-oloka. Nampa a'jappa tulusu' ke'nanga mange ri butta Sahalim, mingka tena tongi anjo keledai-keledaia anjoreng. Naboya tommi ri daera Benyamin, mingka sia-siaji.

2 SAMUEL 20:21

Mingka nia' sitau niareng Seba, ana'na Bikri, tubattu ri daera monconna Efraim, le'ba' ero' angngewa ri Karaeng Daud. Passareangi anjo taua, kunampa a'lampa battu ri anne kotaya.” Nakanamo anjo bainea, “Ulunna anjo taua lanapasambilai ikambe battu rate ri temboka anne mae ri katte.”

1 KARAENG-KARAENG 4:8

Anjo sampuloa anrua nipimpingi ri sitau Guburnur. Iaminne massing arenna anjo bupatia siagang daera kakoasanna ke'nanga: Ben-Hur: Daera monconna Efraim Ben-Deker: Kota Makas, Saalbim, Bet-Semes, Elon, Bet-Hanan Ben-Hesed: Kota Arubot, Sokho, siagang sikontu daera Hefer Ben-Abinadab, bura'nenna Tafat ana' bainena Salomo: Sikontu daera Dor Baana ana'na Ahilud: Kota Taanakh, Megido, siagang sikontu daera ri ampi'na Bet-Sean, ri ampi'na kota Sartan ri bageang timboranna kota Yizreel sa'genna kota Abel-Mehola siagang kota Yokmeam. Ben-Geber: Kota Ramot ri Gilead, kampong-kamponna bijanna Yair turunganna Manasye ri Gilead, daera Argob ri Basan; yangasenna nia' annampulo kota lompo, ia nipakajarreka siagang tembo' akkuliling siagang ammakea panjoli-panjoli tambaga ri pakke'bu' lompona Ahinadab ana'na Ido: Daera Mahanaim Ahimaas, bura'nenna Basmat ana' bainena Salomo: Daera Naftali Baana ana'na Husai: Daera Asyer, kota Alot Yosafat ana'na Paruah: Daera Isakhar Simei ana'na Ela: Daera Benyamin Geber ana'na Uri: Daera Gilead, ia nikoasaia riolo ri Sihon karaeng Amori, siagang Og karaeng Basan.

2 KARAENG-KARAENG 5:22

Appialimi Gehazi angkana, “Kipammopporanga' Bapa', nisuroa' ampauangki' angkanaya silalonna nia' rua na'bi lolo battu ri daera Monconna Efraim. Napalaki bapakku sollanna assareki' 3.000 doe' pera' siagang ruampasang pakeang ga'ga untu' anjo ruaya na'bi.”

HAKING-HAKING 18:13

Battu anjorengi ke'nanga a'jappa tulusu' mange ri daera pa'bulukang Efraim sanggena battu mange ri balla'na Mikha.

EZRA 7:5

Abisua Pinehas Eleazar Imang Lompoa Harun.