YOSUA 24:27 - KITTA' MATANGKASA'

²⁷ Le'baki anjo nakanamo Yosua mange ri yangasenna anjo taua, “Anne batua a'jari sa'bi mae ri katte. Sikontu kana-kana Napabattua Batara mae ri katte, le'ba'mi nipau ri dallekanna anne batua. Jari, iaminne batua la'jari sa'bi mae ri kau ngaseng, untu' ampiu'rangiangko sollanna tena nanuewai Allata'alanu.”

YOSUA 24:27 Referans Kwoze

LUKAS 19:40

Appialimi Isa Nakana, “Patappaki angkanaya: punna a'mereki ke'nanga, la'gora-gorai anne batu-batua.”

YOSUA 22:34

Kala'busanna nakanamo suku Ruben siagang suku Gad, “Anne tampa' pakkoro'bangnganga a'jari sa'bi mae ri katte ngaseng angkanaya Batarami Allata'ala.” Jari naaremmi ke'nanga anjo tampa' pakkoro'bangnganga “Sa'bi”.

MATIUS 10:33

Mingka inai-nai ansassaliA' ri dallekanna tau jaia angkanaya amminawangi ri Nakke, laKusassali tongi sallang ri dallekanNa ManggeKu ri suruga.”

PAOLE 31:26

“Allei anne kitta' HukkunNa Allata'ala, siagang boliki ri sa'rinna Patti ParjanjianNa Karaeng Allata'alanu, sollanna tuli nia'na anjoreng salaku sa'bi mae ri anjo bansaya.

YESAYA 1:2

Pilangngeri he langika, parhatikangi he buttaya! Nakana Batara, “Ana'-ana' le'baka Kuparakai angngewai ri Nakke.

PANGNGEBARANG 30:9

Saba', punna kalumanynyanga', gassingka kukana sallang angkana tenamo kuparalluangKi'. Na punna kasi-asia', gassingka a'lukkaka' sa'genna kura'massi arenTa.”

AYUB 31:23

Tena kula'gau' kammanjo, saba' hukkunganNa Allata'ala sanna' Napakamalla'na pa'maikku.

1 SAMUEL 7:12

Le'baki anjo appaentemmi Samuel se're batu, ri pa'baeng-baenna Mizpa siagang Sen. Nakanamo, “Natulung maki' Batara siganna'na.” Nampa naareng anjo batua “Batu Pannulungang”.

PAOLE 32:1

“Mappilangngeriko, e, langika, erokka' anne a'bicara, e, buttaya, tannangi tolinnu!

PAOLE 31:21

siagang jai bala lompo lantujui ke'nanga. Mingka anne kelonga tuli lanikelongangi siagang tuli lanipakei salaku sa'bi mae ri ke'nanga. Ba'lalo manna ri kamma-kammaya anne, lalang tenanapa naKuerangi ke'nanga mange ri anjo pa'rasangang Kupa'janjianga, Kuassemmi nawa-nawanna ke'nanga.”

TITUS 1:16

Nakana kalenna ke'nanga Naassengi Allata'ala, mingka ma'nassa nasassali lalang ri panggaukanna ke'nanga. Sanna' appakaringi'-ringi'na ke'nanga siagang taerokai mappilangngeri; tau tena sikali naero' ke'nanga anggaukangi apa-apa bajika.

PAOLE 31:19

Kamma-kamma anne, tulisi'mi anne kelong-kelonga. Pangngajarrangi anjo mae ri bansa Israel salaku sa'bi mae ri ke'nanga.

PAOLE 30:19

Kamma-kamma anne akkullei nupilei kalase'renna iamintu attallasaka yareka matea, barakka' yareka pattunraNa Batara. Kukioki langika siagang buttaya untu' a'jari sa'bi mae ri kaputusannu. Pileimi attallasaka.

PAOLE 4:26

Tapporo langika siagang linoa a'jari sa'bi anne alloa angkanaya punna tena numannuruki mae ri nakke, tasalloami nu'lanynya' battu ri butta nupammantangngia ri ba'leanna anjo Binanga Yordan. Tasalloako lammantang anjoreng, lanri laniancuru' taba sikaliko.

PAPPICINI' 3:8

Kuassengi apa nugaukanga ngaseng. Kuassengi angkanaya tena nasiapa kagassingannu; nuturukimi pangngajarangKu siagang tamamminrayako mae ri Nakke. Kusungkeang mako se're pakke'bu' untu' ikau ngaseng, tenaya nakkulle natongko' manna pole inai.

HABAKUK 2:11

Ba'lalo manna batu-batua ri temboka akkio'-kioki antunraiko, siagang benteng-benteng ballaka napakkiokangi anjo pakkio' kammaya.

PAMMILANGNGANG 11:20

mingka sibulangi lanukanre turus, sa'gennu a'jari garring siagang ta'langnge-langnge napakamma. Kammaminjo kajarianna lanri nutolla'na Batara niaka ri tangnga-tangnganu. Kammayatompa lanri angngarru'nu siagang akkunrarennu ri dallekanNa angkanaya nubokoimi Mesir.”

YOSUA 24:28

Kala'busanna nasuromi Yosua ammotere' ngaseng anjo taua; nampa ammotere' ngasemmo ke'nanga, massing mange ri buttana.

AYUB 31:28

Dosa kammaya anjo siratangi anggappa hukkungang mate; lanri nasassali Allata'ala Kaminang Koasaya.

YESAYA 59:13

Le'baki assassala' siagang angngewa ikambe mae ri Batara, siagang taeroka mannuruki ri Allata'ala ikambe. Le'baki ikambe anjallakkangi paranna tau siagang sala oloang; lingui pikkiranna ikambe, siagang a'balle-ballei bicaranna ikambe.