YOSUA 24:25 - KITTA' MATANGKASA'

²⁵ Jari anjo alloa appare'mi parjanjiang Yosua siagang umma' Israel ri Sikhem. Siagang anjoreng napassareammi mae ri ke'nanga sikamma hukkung-hukkung siagang paratorang-paratorang mustia naturuki ke'nanga.

YOSUA 24:25 Referans Kwoze

KALAPPASSANG 15:25

Appala' doang dudumi Musa mae ri Batara. Nampa nipicinikiammo ri Batara sipolong kayu. Naallemi Musa anjo kayua nampa napasambila antama' ri je'neka, sa'genna a'jari la'ba anjo je'neka, nakkullemo niinung. Anjoremmi ri tampaka assare Batara paratorang-paratorang mae ri ke'nanga, siagang anjoreng tommi Naso'ri ke'nanga.

NEHEMIA 9:38

Lanri sikamma anjo apa kajarianga, ikambe ra'ya' Israel appare' maki' parjanjiang majarreka siagang tattulisi', nampa nisare sitempele' battu ri sikamma pamimpinna ikambe, tu Lewi, siagang sitau imang battu ri kambe.

2 PATTOTTORANG 23:16

Napalaki Imang Yoyada ri Karaeng Yoas siagang ri ra'yaka sollanna assama-sama ke'nanga siagang ia appare' parjanjiang angkanaya la'jari ke'nanga umma'Na Batara.

2 KARAENG-KARAENG 11:17

Nasuroi Imang Yoyada Karaeng Yoas siagang ra'yaka appare' parjanjiang siagang Batara angkanaya la'jari ke'nanga Umma'Na Batara. Nasuro tongi karaenga appare' parjanjiang siagang ra'yaka.

2 PATTOTTORANG 29:10

Kamma-kamma anne erokka' appare' parjanjiang siagang Batara, Allata'alana Israel, sollanna ammarimo larro mae ri katte.

2 PATTOTTORANG 15:15

Sikontu ra'ya' Yehuda rannu kabusuki nyawana lanri le'ba'namo assumpa kamma anjo siagang attojeng-tojeng pa'mai'na. Sannangi nyawana ke'nanga anynyomba ri Batara, nampa Batara mangngellai todong antarimai ke'nanga. Napakaamangi siagang sannangi ke'nanga ri daerana.

2 PATTOTTORANG 15:12

A'janji ke'nanga mae ri Batara angkanaya lattojeng-tojengi atinna siagang pa'mai'na ke'nanga attallasa' situru' ero'Na Batara, Allata'alana boe-boena ke'nanga.

YOSUA 24:26

Sikontu anjo hukkunga siagang paratorang-paratoranga natulisiki lalang ri Kitta' HukkunNa Allata'ala. Nampa angngalle se're batu lompo, na napaenteng irawanganna poko' kayu lompoa ri tampa' nisa'laka untu' Batara.

YOSUA 24:1

Napasse'rei Yosua suku-suku bansa Israel ri Sikhem, nampa nasuro sikamma tau toa-toaya, sikamma pamimpinga, sikamma hakinga siagang sikamma perwira tantaraya battu andallekang. Jari battu ngasemmi ke'nanga andallekang ri Allata'ala.

PAOLE 29:1

Iaminne kana-kana parjanjiang napareka Musa siagang bansa Israel situru' parentaNa Batara, ri wattunna nia' ke'nanga ri butta Moab. Anjo parjanjianga iamintu pannambai battu ri parjanjiang Napareka Batara siagang ke'nanga ri Moncong Sinai.

KALAPPASSANG 24:3

Jari a'lampami Musa siagang napa'la'bammi napauang anjo bansaya sikontu parentaNa siagang paratoranNa Batara. Appadami appiali ngaseng ke'nanga angkana, “Sadiami ikambe langgaukangi sikontu Nakanaya Batara.”

PA'JARIANG 35:4

Nampa napassareammo ke'nanga sikamma patung niaka ri ke'nanga mae ri Yakub, iamintu patung rewata tumaraenga. Kammayatompa anting-antinna ke'nanga napassareang ngaseng tommi. Yangasenna anjo barang-barang kammaya nalamungammi Yakub ri rawanganna poko' kayu lompoa ri ampi'na kota Sikhem.