YOSUA 24:24 - KITTA' MATANGKASA'

²⁴ Nampa nakanamo anjo taua mae ri Yosua, “Ikambe Batara Allata'alata bawang lanisomba. Lanaturuki ikambe parenta-parentaNa.”

YOSUA 24:24 Referans Kwoze

KALAPPASSANG 24:7

Nampa naalle kitta' parjanjianga niaka lalang nitulisi' sikamma parentaNa Batara, nampa nalompoi sa'ranna ambacai bonena mae ri sikamma anjo bansaya. Nakana ngasemmo ke'nanga, “Sadiai ikambe lamannuruki siagang langgaukangi sikontu parentaNa Batara.”

KALAPPASSANG 24:3

Jari a'lampami Musa siagang napa'la'bammi napauang anjo bansaya sikontu parentaNa siagang paratoranNa Batara. Appadami appiali ngaseng ke'nanga angkana, “Sadiami ikambe langgaukangi sikontu Nakanaya Batara.”

KALAPPASSANG 19:8

Appada-pada ngasemmi ke'nanga appiali angkana, “Sadiai ikambe untu' anggaukangi sikontu kananNa Batara.” Anjo pappialinna ke'nanga napabattui Musa mae ri Batara. Nampa Nakanamo Batara ri Musa, “LabattuA' mae ri kau nikalimbuki ri rammang kapalaka; lanalangngereki taua punna a'bicarA' mae ri kau, nappakkaramula anjo wattua tuli latappa'mi ke'nanga mae ri kau.

2 PATTOTTORANG 15:14

Nalompoi sa'ranna ke'nanga assumpa mae ri Batara angkanaya lanata'gala' jarreki anjo janjinna ke'nanga. Nampa a'rannu-rannu ke'nanga appasa'ra tarompe'.