YOSUA 23:5 - KITTA' MATANGKASA'

⁵ Karaeng Allata'alanu lampamono' bokoi anjo bansa-bansaya, siagang lari battu ri dallekannu punna a'lampako mange ambunduki ke'nanga. Lanupisakai pa'rasanganna ke'nanga, sangkamma le'baka Napa'janjiang Karaeng Allata'alanu mae ri kau.

YOSUA 23:5 Referans Kwoze

YOSUA 13:6

Antama tongi sikontu daerana tu Sidon, niaka ammantang ri daera pa'moncongang ri alla'na moncong-moncong Libanon siagang Misrefot-Maim.” Nakana Batara, “Sikontu anjo bansa-bansaya laKubongkai sallang, ri wattunna nibunduki ke'nanga ri tu Israel. Anjo buttaya musti nubage-bagei mae ri umma' Israel untu' a'jari butta pisakana ke'nanga, sangkamma le'baka Kuparentakang mae ri kau.

PAOLE 11:23

Na Batara lambongkai anjo sikontu bansaya battu ri dallekannu, siagang kau lampammantangngi buttana bansa-bansa lompoangnganga siagang kassakangnganga naikau.

KALAPPASSANG 34:11

Mannurukiko ri hukkung-hukkung Kupassareanga mae ri kau anne alloa. LaKubongkai a'lampa bansa Amori, Kanaan, Het, Feris, Hewi siagang Yebus ri wattunnu maju mae ri ke'nanga.

KALAPPASSANG 33:2

Nia' sitau malaeka' laKusuro battu anrurungang ngasengko. LaKubongkai bansa Kanaan, Amori, Het, Feris, Hewi siagang Yebus.

KALAPPASSANG 23:20

“LaKusuroi malaekakKu a'jappa riolo ri dallekannu untu' anjagaiko lalang pa'jappannu siagang angngerangko mange ri tampa' le'baka Kupasadia.

HAKING-HAKING 2:21

Kamma-kamma anne taerokaMa' ambongkai manna pole bansa apaya ia niaka ija ri anne pa'rasanganga ri wattu matena Yosua.