YOSUA 22:30 - KITTA' MATANGKASA'

³⁰ Sikontu anjo apa napakasingaraka suku Ruben, suku Gad siagang suku Manasye rayaya, nalangngere'mi Imang Pinehas siagang anjo sampuloa tau toa-toana tu Israel battua ri laukanna Binanga Yordan. Jari baji'mi naassenna ke'nanga anjo passalaka.

YOSUA 22:30 Referans Kwoze

YOSUA 22:33

Jari sannammi nyawana umma' Israel mae ri anjo passalaka, sa'genna mammuji-mujimo ke'nanga mae ri Allata'ala. Tenamo nasero kanai pole anjo passala' ero'na ke'nanga ambunduki tu Ruben siagang tu Gad, siagang untu' angngancuruki pa'rasanganna ke'nanga.

LAMPA-LAMPANA 11:18

Nalangngere'namo anjo apa napabattua Petrus, tenamo nakkana-kana ke'nanga. Nampa ammuji-mujimo ke'nanga ri Allata'ala. Nakana ke'nanga, “Punna kamma, manna bansa maraenga nisare tommi oloang ri Allata'ala sollanna toba' ke'nanga battu ri dosa-dosana, nanapahang baji' katallassang sitojennaya!”

PANGNGEBARANG 15:1

Pappiali lammaya, ampa'jari naungi larroa; pappiali passea appaumbai larro.

ESTER 1:21

Nisitujuimi anjo kananna Memukan ri karaenga siagang sikamma tumalompoa, nampa nagaukammo karaenga anjo kammaya.

1 SAMUEL 29:6

Jari Akhis nakio'mi Daud nampa nakana ri ia, “Tappaka' lanri Batara mattallasaka, angkanaya tamamminrayako mae ri nakke. Rannua' punna nururunganga' lalang ri anne pa'bundukanga. Nasaba' baku' battunu mae ri nakke sa'genna kamma-kamma anne, tenapa kasalannu kugappa. Mingka sikamma karaeng maraenga tena nangaia'.

HAKING-HAKING 8:3

Ikau ngasemmi nisare koasa battu ri Allata'ala sa'genna akkulle nubuno Oreb siagang Zeeb, anjo ruaya pamimpinna tu Midian! Punna nibilangi anjo, apa jasaku inakke?” Le'baki akkana kamma Gideon, ammarimi larro ke'nanga.

PA'JARIANG 28:8

Jari napahammi Esau, angkanaya anjo Ishak manggena, tanangaiyai tubaine Kanaan;

YOSUA 22:29

Patappa'mi, angkanaya tena nalaero' ikambe angngewai Batara yareka lammari anynyomba mae ri Ia lanri natambaina ikambe tampa' pakkoro'bangnganga untu' koro'bang nitunu yareka koro'bang gandung yareka untu' koro'bang passare, nampa nia'mo tampa' pakkoro'bangnganNa Karaeng Allata'alata ri dallekanna Kema KahaderanNa Batara.”

YOSUA 22:31

Nampa nakanamo Pinehas, ana'na Imang Eleazar, mae ri anjo tu suku Ruben, suku Gad siagang suku Manasye rayaya, “Kamma-kamma anne naassemmi ikambe angkanaya Narurungangki' Batara, lanri tenana nuangngewa mae ri Ia. Nupasalama'mi umma' Israel battu ri hukkunganNa Batara.”