YOSUA 21:44 - KITTA' MATANGKASA'

⁴⁴ Jari situru' apa Napa'janjianga Batara mae ri boe-boena ke'nanga, a'jari amammi anjo pa'rasanganga lanri nila'langngi ri Batara. Manna se're tania' battu ri musu-musunna ke'nanga akkulle angngewai ke'nanga, lanri Batara assarei ke'nanga pammetang mae ri sikontu musunna ke'nanga.

YOSUA 21:44 Referans Kwoze

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

IBRANI 4:9

Jari, untu' Umma'Na Allata'ala nia' ija janji untu' lammari-mari sangkamma ammari-mariNa Allata'ala ri anjo allo makatujua.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 1:13

“U'rangi! Le'ba'mi napau Musa iamintu atanNa Batara mae ri kau angkanaya anne buttaya irayanganna Binanga Yordan Napassareangi Karaeng Allata'alanu mae ri kau untu' a'jari pa'rasangannu.

KALAPPASSANG 33:14

Nakanamo Batara, “LaKujagaiko sollanna akkulle nupatang butta le'baka Kupa'janjiang.”

PAOLE 21:10

“Punna a'bundukko siagang Nasareko pammetang Karaeng Allata'alanu, nampa angngalleko tau nitahang,

YOSUA 23:1

Salloi ri le'ba'na anjo Nasaremi Batara anjo umma' Israel kaamangngang; tenamo nanisusai ke'nanga ri pa'garatta'na musua. Anjo wattua toa sikalimi Yosua.

YESAYA 63:14

Naerangi Batara ke'nanga mae ri tampa' pammantangnganga, rapang olo'-olo' piara niemba mange ri paranga untu' a'ruku'. Kammaminjo bateNa anrurungangi umma'Na, sollanna nipakala'biri' arenNa.

PAOLE 2:36

Lanri pannulunNa Karaeng Allata'alata, akkullei nialle ngaseng sikontu kotaya, appakkaramula battu ri Aroër, ri cappa' Ka'bung Arnon, siagang kota niaka ri tangngana anjo ka'bunga, sa'genna mange ri daera Gilead. Tena kota majarre' dudu tembo' pattahanganna nidallekang.

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 2:24

Nampa nakana ke'nanga, “Mattantu Napassareangi Batara anjo sikontu pa'rasanganga mae ri katte; sikontu tau niaka anjoreng malla' ngasengi mae ri katte.”

YOSUA 11:8

Nanisaremo pammetang tu Israel ri Batara. Nabundukimi tu Israel siagang naondammi ke'nanga sa'genna Misrefot-Maim siagang Sidon bellana pawara'na, siagang sa'genna mange ri Ka'bung Mizpa patimboro'na. Tulusu' heba'na anjo pa'bundukanga sa'genna tena manna sitau musu ammantang tassesa, yangasenna mate kabusuki.

YOSUA 11:12

Sikontu anjo kota-kotaya naalle ngasemmi Yosua, siagang najakkala'mi na nabuno sikontu karaenna situru' parentana Musa, anjo atanNaya Batara.

2 PATTOTTORANG 13:16

sa'genna larimo ke'nanga. Nisaremi pammetang tu Yehuda ri Allata'ala.