YOSUA 21:34 - KITTA' MATANGKASA'

^34-40 Golongang ammantanga lalang ri suku Lewi, iamintu golongang Merari, nisarei sampulo anrua kota siagang butta paranna. Battu ri suku Zebulon annarimai ke'nanga appa' kota, iamintu: Yokneam, Karta, Dimna siagang Nahalal. Battu ri suku Ruben annarimai ke'nanga appa' kota, iamintu: Bezer, Yahas, Kedemot siagang Mefaat. Battu ri suku Gad annarimai ke'nanga appa' kota, iamintu: Mahanaim, Hesybon, Yaezer siagang Ramot, se're kota palariang ri Gilead.

YOSUA 21:34 Referans Kwoze

1 PATTOTTORANG 6:77

Turungang battua ri Merari tenayapa nanggappa tampa', nisarei desa-desa siagang parang-parang ruku' niaka ri tammulilina iamintu: Ri daera suku Zebulon, iamintu: Rimono siagang Tabor.

YOSUA 21:7

Kaluarga-kaluarga battua ri golongang Merari anggappai sampulo anrua kota battu ri daerana suku Ruben, suku Gad siagang suku Zebulon.

YOSUA 19:15

Lalang ri daerana anjo suku Zebulon antama tongi: Katat, Nahalal, Simron, Yidala siagang Betlehem. Anjo daerana ke'nanga antama tongi sampuloa anrua kota siagang sikamma desa-desa niaka ri tammulilina.

YOSUA 19:11

Battu ri Sarid, anjo garisi' pa'baeng-baeng bageang ilauka a'lampa mangei ri Marala, nampa nasero Dabeset siagang pangka binangaya irayanganna Yokneam.

1 PATTOTTORANG 6:63

Nigoccang tommi nanggappa sikamma kaluarga niaka lalang ri tu Merari sampulo anrua desa ri suku Ruben, Gad, siagang Zebulon.

1 PATTOTTORANG 6:48

Tugasa'-tugasa' maraenga lalang ri balla' sambayanga nipassareangi ri tu Lewi maraengannaya.