YOSUA 20:3 - KITTA' MATANGKASA'

³ Inai-nai ambunoi paranna tau natena nakunjungi, akkullei lari mange ri anjo kotaya sollanna ta'lappasa' battu ri tau eroka ampa'balassangi anjo tau matea.

YOSUA 20:3 Referans Kwoze

KAIMANGNGANG 4:2

ampa'la'bangi napau mange ri tu Israel angkanaya inai-nai tena nasangajakki a'gau' dosa lanri nadakkai kalase'renna parentaNa Batara, musti nipinawangi anne paratoranga.

PAMMILANGNGANG 35:12

Anjo taua laamangi anjoreng ri kota-kotaya battu ri larrona bija-bijanna anjo tau mate nabunoa, eroka a'balasa'. Nasaba' anjo tunitudua ambunoi paranna tau takkulleai nibuno punna tenapa nale'ba' niparessa parkarana ri pangadelanna tau jaia.

YOSUA 20:2

akkana kamma anne mae ri tu Israel, “Le'baki Kuparentakang mae ri Musa sollanna napauangko ri passala'na kota-kota palarianga, iamintu kota-kota akkullea nabattui tau laria untu' anggappa pa'la'langngang. Kamma-kamma anne pileimi anjo kotaya.

YOSUA 20:4

Akkullei lari mange ri kalase'renna anjo kotaya, siagang a'lampa mange ri pangadelanga ri pakke'bu' lompona anjo kotaya, nampa napakasingara' anjoreng mae ri sikamma pamimpinga apa le'baka kajariang. Lanipa'biangi ri pamimping-pamimping niaka anjoreng untu' antama' ri anjo kotaya, siagang lanasarei pammantangngang.

PAMMILANGNGANG 35:19

Bija ma'reppese'na anjo tau mate nabunoa akkullei nagaukang anjo hukkungang matea. Punna nagappai anjo tau ammunoa, akkullei nabuno.

PAMMILANGNGANG 35:22

Mingka akkulle tongi angkanaya nia' tau ambunoi paranna tau iamintu tenaya nakabirisi, lanri tena nakunjungi, apaka napatappasaki yareka nasambilai apa-apa.

2 SAMUEL 14:11

Nakanamo anjo bainea, “Poro appala' doang laloki' karaeng mae ri Karaeng Allata'alata, sollanna anjo tau eroka ambalasaki kamateanna anjo ana'na atanta tena nagaukangi kaja'dallang la'bi lompoangnganga pole lanri nabunona pole ana'na atanta se'rea.” Appialimi Daud angkana, “Lanri Batara mattallasaka, anjo ana'nu tena nalaniapa-apa manna pole sike'de'.”

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.